四寶食堂 (華凱大廈)

营业中

休息中

好耐冇食过四宝食堂，所以𠮶日见唔算好多人排队即刻入去食。晚餐多好多嘢食拣，今次都系试咗佢个招牌黑蒜油叉烧滑蛋饭，好香黑蒜油味，另外值得一赞嘅系滑蛋好多，每一啖都有咁滞，自己系好钟意食蛋捞饭，加埋佢嘅豉油，推介！另外仲叫左一个特别嘅星马菜，黑酱油胡椒粉丝大虾煲，大虾好大只，有三只，虾好新鲜另外亦都入晒黑胡椒嘅味道。另外佢嘅粉丝配饭好惹味，不过粉丝都真系太多，最后都有少少食唔晒。另外想讲吓佢可以加$20转餐，有每一日嘅老火汤，我哋今日嘅汤系雪梨海底椰汤，非常清甜，同埋真系好足料！每一次去亲四宝食堂都多左嘢食拣，越来越多唔同嘢食可以试。