億饍 (已結業)

朋友介绍依间越泰餐厅有炖汤饮，所以特登黎试下，可惜当日大陪分汤都卖哂，所以净系叫左猪肺排骨万寿果汤。睇英文先知原来万寿果即系木瓜，因为食左可以延年益寿。冬天最适合饮炖汤, 饮完暖哂。猪肺好淋好入味，个汤好清甜。香茅明炉乌头酸辣汤底系我最近食过最清嘅，反而最合我口味，唔会觉得好重味精，鱼肉鲜嫩，微微酸辣，几开胃。桂花BB鸽乳鸽系卤水煮所以唔会太油腻，好juicy，不过食唔出桂花味。泰国椰青清甜解渴，食完热气野要饮下，仲可以食埋椰肉。芒果椰汁黑糯米芒果分量都多，而且好香甜，可惜椰汁调味不足，朋友话原来个椰汁要落糖同盐煮，味道会更有层次。