蔡瀾越南粉 (已結業)

最近中环开左间越南菜，听讲系由蔡澜先生主理，所以就同朋友去凑凑热闹。食店有两层，装修时尚，我地睇完个menu就叫左越南牛肉粉 (HKD 68)，特别牛肉汤河粉 (HKD 128)，香茅烤猪颈肉 (HKD 58)，越式蒸粉卷 (HKD 48)。至于饮品就叫左泰国椰青 (HKD 36)同埋话梅青柠梳打 (HKD 32)。越南牛肉粉可以选择两种食材，我地选择左生牛肉同金钱腱，因为有手指公。不过你仲可以选择牛筋，贝壳牛肉丸，铜钱牛鞭花或者牛栢叶。卖相唔错，佢另外会将芽菜，香料，辣椒同柠檬会放系第二碟，让食客选择自己喜欢既味道。牛肉只能够讲既系非常正好鲜嫩，而啲金钱腱好滑，唔韧。另外，特别牛肉汤河粉其实系集合哂生牛肉，金钱腱，牛栢叶，牛肉丸，牛筋同牛鞭花。味道都好好味。可惜啲粉唔够，不过唔驶担心，因为呢度系可以免费添粉架，啱晒所有大胃王。跟住黎既就系猪颈肉同粉卷。猪颈肉肉质好滑，分量又大，点埋佢既酱汁，真系一流。个粉卷有4个，味道唔错，而且好足料添。个椰青相对系超市买既清甜，绝对系唔同层次。 而个话梅梳打，味道酸甜，口感几丰富。不过值得一提既系，佢提供既饮料唔系水咁简单，而系罗汉果水，非常甘甜。