銘興山西刀削麵 (大同新邨) (已搬遷) 新店位置

话说今日去开朋友系大角咀既studio，见都差唔多食饭时间，谂住早d去揾间餐厅食起码有位坐。行到埃华街见到黎间铭兴山西刀削面似系新开，里面装修都几新下，所以同朋友入左去试下。一坐低已经见到枱面有一大甖腌萝卜，仲要系自己任攞任食，二话不说即刻毕咗黎试先睇餐牌。个味道都唔错，唔会腌得太酸，少少甜食落好开胃。一开始梗系试吓啲小食先啦，今次都叫得几多，事关我都几喜欢食麻辣嘢，首先我哋嗌左个麻辣皮蛋，佢唔似坊间嘅皮蛋辣辣地，反而蒜蓉加埋个醋汁，食落都唔错。而牛展切得好薄身，好适合一啖一块，加埋上边少少嘅蒜泥，一齐咁食又系另一种刺激。口水鸡非常嫩滑，一啲都唔鞋口，而个麻辣汁都好野味，令到人越食越想食。终于嚟到主菜啦，朋友叫咗个墨鱼丸汤刀削面，墨鱼丸唔系话太大惊喜，但食落都唔会好粉。反而个刀削面面底就非常唔错，食得出个面本身系新鲜整，非常有咬口。我自己就叫咗个麻辣金钱肚冷刀削面，个面一上枱个份量有少少俾佢吓亲，净系见佢面上比嘅配料已经知道呢个面唔简单，夹起少少面睇啲汁系底分开咗两边，望落估计系啲麻辣红油加埋日本芝麻酱，再捞埋上边嘅麻辣肉碎同埋金钱肚，简直系一啖一满足。