鳴越越式料理

营业中

休息中

今晚去咗中环安泰大厦果间鸣越食晚餐，要落去地库，原来下面地方好大，好多卡位，而且好濶落，墙壁挂咗好多油画装饰，几企理㖞！睇餐牌，多数系做套餐形式，有一杯餐茶奉送！我地两人点咗一个咖哩牛腩饭，一个下龙湾海鲜炒金边粉！另外加咗一四件越南炸春卷同埋一客越式煎扎肉！咖哩牛腩饭，咖哩香口充落椰汁香味，牛腩唔鞋口，咖哩汁捞饭食就好开胃，成碟饭食晒！海鲜金边粉份量劲大碟，鲜虾靑口都好够味！金边粉炒得干身不觉油腻，调味亦好适当！但好大碟食唔晒要打包带走！炸春卷醮酸辣酱好好味，仲包埋生菜一齐食，冇咁热气添！越式煎扎肉亦系点酸辣汁一齐食就好配合，两款小食都好好味，唔错！埋单才是二百蚊左右！超哂值！，