影片
更多
2024-11-27
190 浏览
开始要转季，就去左东涌东荟城睇下有冇平衫买，大战一轮后就到左晚饭时间，东荟城新果边有唔少餐厅，天气冻左都想食啲热野，见到有锦丽就直接入左去🤓🤓餐厅装修都好有越南特色，座坐都几好坐，呢到有晚市套餐，仲有新出既一人锅，平均主食加饮品都唔洗一百蚊，都几抵食，最后我地两个人叫左两个主食加两个小食，一个甜品，食到超饱🤪🤪小食拼盘拼盘有春卷，蔗虾，牛油鸡翼同炸猪扒，呢个拼盘嘅份量都几多，而我最钟意嘅就系炸猪扒同蔗虾，炸猪扒肉嫩，加上葱油，令猪扒更香口，蔗虾嘅虾胶弹牙又有虾味大虾扎肉米纸卷米纸皮够烟靭，蔬菜新鲜，配埋酸酸地嘅汁好开胃火车头粉呢个系越南既杂锦，乜𩠌都有，有生牛肉，牛腩，牛筋，牛丸同扎肉，最岩我呢啲揸唔定主意，又想试多啲野既人🤣🤣呢几个𩠌入面，我最钟意牛腩，牛丸同牛筋，牛腩同牛筋已经炆到够晒淋，又有牛肉味，而牛丸一咬系有浓浓既牛肉汤汁，越南河另一卖点就系个汤底，同系越南食到既质素差唔多，真系越食越爱😋😋牛腩萝卜锅（另加油炸鬼同生菜）牛腩同萝卜各有四大嚿，而汤底就系越南河嘅汤底，牛腩同萝卜同样炆得够入味，锅下有一个小火，足够将河粉，生菜同芽菜等加热，另外将油炸鬼放入热汤入面，索晒啲汤汁，系
餐厅装修都好有越南特色，座坐都几好坐，呢到有晚市套餐，仲有新出既一人锅，平均主食加饮品都唔洗一百蚊，都几抵食，最后我地两个人叫左两个主食加两个小食，一个甜品，食到超饱🤪🤪
小食拼盘
拼盘有春卷，蔗虾，牛油鸡翼同炸猪扒，呢个拼盘嘅份量都几多，而我最钟意嘅就系炸猪扒同蔗虾，炸猪扒肉嫩，加上葱油，令猪扒更香口，蔗虾嘅虾胶弹牙又有虾味
大虾扎肉米纸卷
米纸皮够烟靭，蔬菜新鲜，配埋酸酸地嘅汁好开胃
火车头粉
呢个系越南既杂锦，乜𩠌都有，有生牛肉，牛腩，牛筋，牛丸同扎肉，最岩我呢啲揸唔定主意，又想试多啲野既人🤣🤣呢几个𩠌入面，我最钟意牛腩，牛丸同牛筋，牛腩同牛筋已经炆到够晒淋，又有牛肉味，而牛丸一咬系有浓浓既牛肉汤汁，越南河另一卖点就系个汤底，同系越南食到既质素差唔多，真系越食越爱😋😋
牛腩萝卜锅（另加油炸鬼同生菜）
牛腩同萝卜各有四大嚿，而汤底就系越南河嘅汤底，牛腩同萝卜同样炆得够入味，锅下有一个小火，足够将河粉，生菜同芽菜等加热，另外将油炸鬼放入热汤入面，索晒啲汤汁，系几正，今次真系第一食越南风味嘅边炉，唔错唔错
椰青&斑斓椰汁糕
椰青糕系类似大菜糕嘅质地，清甜嘅椰子水味，花兰椰汁糕就香斑斓同椰汁味，食一个甜品真系晚餐嘅一个完美句号
冻薏米水&三色冰
薏米水有淡淡嘅姜味，甜度适中，而三色冰就好香椰汁味，唔会太甜，料嘅份量好足
张贴
