Fûhn (The L. Square) (已結業)

老公一听到食越南菜就会眉飞色舞，今日就同佢一齐攞半日假拍吓拖去到铜锣湾Fûhn。入面环境相当宽敞，嚟到过咗平日午饭时间，所以比较宁静，我哋可以食个悠闲嘅下午茶。好多时食越南菜，大家都会研究点食牛肉粉先系最正宗，而呢度就有教你step by step咁食，跟足次序最有风味。是拉差同鱼露就系越南粉嘅精髓，而呢度全部都齐备。嚟到当然要叫个火车牛魔粉，除咗有生牛肉，仲有牛腩同牛柏叶，可惜就独欠牛丸。汤底睇落清澈但饮落味浓，配合九层塔同是拉差，绝对有水准。另外仲叫咗蕃茄牛坑腩配法包。蕃茄汁味道浓郁，牛腩呈半肥瘦，而且份量相当多。蒜蓉包上面有粒粒蒜蓉，够晒香口。越南啤酒饮得多，但原来配合咸柠又几过瘾。牛油果奶昔够香滑，而且又唔太甜，非常好味。