安南 (利園) (已搬遷) 新店位置

同事话食过安南几好食，约埋几个朋友黎。上到黎利苑，餐厅感觉好高级，坐位舒服，服务细心。安南春卷皮薄，煎到脆卜卜，好香口，入面有香草肉碎。双色扎肉粉卷包住猪肉，虾肉，点酸汁食好更惹味！顺化浮萍饼听个名唔知乜东东，原来系肠粉上加左D面包粒，口感烟烟韧韧，加上面包粒食好脆。香茅鸡肉虾片又脆卜卜，少少香茅味令鸡肉更出色！安南藕藤沙律既藕条好爽囗又清甜，入面有萝卜丝又有虾，猪肉，点埋青柠酱汁好开胃！呢间确系香港一间质素有保证嘅越南餐厅！