Lemon Grass Thai & BBQ (已結業)

近排食开都系西餐同火锅多好少机会食到其他口味，不过就系咁系有意冇意之间朋友话出来食饭想食到泰国嘢，就造今次时机去咗观塘呢间泰国餐厅品尝一下泰式风味美食餐牌款式都几多口味选择，不过冇食一排泰国食物，坐低就会好自然点番个泰式小食拼盘 食住先，再看看有乜特别推介食物，等咗一轮已见到小食拼盘送到枱上，分别有香茅鸡翼，春卷同墨鱼饼，趁佢仲热辣辣就先食件墨鱼饼，表面香脆可口内里爽滑弹牙，点埋酱汁食更滋味，鸡翼外面煎至金黄色，未入口已闻到香茅味道，至于肉质非常滑嫩多汁，轮到春卷炸得脆卜卜之余，又食到蔬菜丝清甜，呢个小食真系有水准拼盘食完又到另一款就系盐烧乌头鱼，海盐铺满整条乌头鱼，轻轻用筷子拨开海盐后，再沿著鱼身边揭开就可以见到鱼肉而肉汁开始微微渗透出来，梗系急不及待抢先食头一啖鱼肉，入口唔止食到鱼肉嘅嫩滑鲜甜，仲食到阵阵清香扑鼻嘅香茅同埋其泰式香料一齐烧，唔怪得食到嘴仔舔舔脷再来系正宗泰式生菜包，肉粒用咗泰式香料烹调，未食已闻到阵阵冬阴功嘅香味就知几惹味，将肉粒放系生菜包住食就得，又估唔到食落几刺激之余仲食到香浓肉汁越食越开胃够晒地道风味，食咗咁多美食当然要饮番杯芒果沙冰降一降温，话咁快又食完一餐