影片
更多
2022-08-07
30 浏览
—前几日系同男朋友拍拖嘅纪念日所以特登book咗间系铜锣湾嘅omakase 食番个高质嘅dinner嚟庆祝一下先(๑˃̵ᴗ˂̵)上网揾咗好耐食边间好咁啱见到间系新开嘅日式餐厅胆粗粗咁book嚟试下成餐饭都超级满意，简直系大满足不论系食物嘅质素，员工嘅服务态度甚至乎喺装修布置都好有惊喜(๑･̑◡･̑๑)餐厅嘅地理位置并唔难揾就系利园附近嚟到店员第一时间就讲得出我哋Booking嘅名都几surprise，真系好有置身于日本嘅感觉坐低之后店员为我哋介绍佢哋呢度有两种套餐一个叫【舍】一个叫【雪】【舍】系比较多样化，有刺身寿司亦都有热食份量系比较多的【雪】就比较简单，主要系食寿司佢哋话系比较适合食得唔算好多嘢嘅客人我同男朋友咩都想试吓所以就一人叫咗一个餐嚟食我当然系食雪啦，因为本身都唔算食得好多嘢但系我想讲都真系超级超级饱，超满足( ´ ▽ ` )𝐎𝐫𝐝𝐞𝐫:⧐雪Yuki | $1280↬前菜3点 Apperizer↬寿司15贯 15 Pieces or Sushi↬卷物 Sushi Roll↬汤 Soup↬甜品 Dessert❀ 前菜3点 Apperizer↬北海道白粟米、汁煮白螺、蟹肉金杯我本身唔系
前几日系同男朋友拍拖嘅纪念日
所以特登book咗间系铜锣湾嘅omakase
食番个高质嘅dinner嚟庆祝一下先(๑˃̵ᴗ˂̵)
上网揾咗好耐食边间好
咁啱见到间系新开嘅日式餐厅
胆粗粗咁book嚟试下
成餐饭都超级满意，简直系大满足
不论系食物嘅质素，员工嘅服务态度
甚至乎喺装修布置都好有惊喜(๑･̑◡･̑๑)
餐厅嘅地理位置并唔难揾
就系利园附近
嚟到店员第一时间就讲得出我哋Booking嘅名
都几surprise，真系好有置身于日本嘅感觉
坐低之后店员为我哋介绍佢哋呢度有两种套餐
一个叫【舍】一个叫【雪】
【舍】系比较多样化，有刺身寿司亦都有热食
份量系比较多的
【雪】就比较简单，主要系食寿司
佢哋话系比较适合食得唔算好多嘢嘅客人
我同男朋友咩都想试吓
所以就一人叫咗一个餐嚟食
我当然系食雪啦，因为本身都唔算食得好多嘢
但系我想讲都真系超级超级饱，超满足( ´ ▽ ` )
𝐎𝐫𝐝𝐞𝐫:
⧐雪Yuki | $1280
↬前菜3点 Apperizer
↬寿司15贯 15 Pieces or Sushi
↬卷物 Sushi Roll
↬汤 Soup
↬甜品 Dessert
前菜3点 Apperizer
0 浏览
0 赞好
0 留言
❀ 前菜3点 Apperizer
↬北海道白粟米、汁煮白螺、蟹肉金杯
我本身唔系特别钟意食粟米嘅人
但系佢个粟米真系超级甜，食落唔错
白螺用咗特制酱汁烹调，味道清甜
最右边𠮶一粒好似烧卖咁嘅系最好食嘅
用香脆嘅外皮包住金菇、蟹肉同埋红菜头
味道好夹好香口
2 浏览
0 赞好
0 留言
2 浏览
0 赞好
0 留言
❀寿司15贯 15 Pieces or Sushi
↬左口鱼薄切配柚子酸汁
↬汁烧北海道活帆立贝
↬九州活赤背配柠檬汁
↬香葱真鲷
↬酱油渍赤身
↬白虾配姜蓉
↬金目鲷配乌鱼子
↬石垣贝配青柠汁
↬三星渍深海池鱼
↬烟熏鲣鱼配醋蒜蓉啫喱炸大葱丝
↬池鱼配葱花姜蓉
↬赤鯥鱼
↬甜虾四重奏
↬野生拖罗寿司
↬北海道根室市紫海胆配淡雪盐
↬配料 - 海带、蒜头、萝卜、牛蒡、芝士
讲真其实每一件寿司都真系超级新鲜
而且师傅会为每一种鱼类贝类配搭唔同嘅调味
并唔需要再额外点任何豉油
唔单止造型好吸睛，味道都一流
好多时都差啲唔记得相机食先
想直接夹嚟食( ´∀｀)
而咁啱得咁桥呢一期嘅海鲜都系我比较钟意食嘅种类
所以我全部都食得好开心
特别想讲一讲其中三件寿司
分别系甜虾四重奏、金目鲷配乌鱼子同海胆
甜虾四重奏
2 浏览
0 赞好
0 留言
甜虾四重奏喺呢度嘅signature寿司
顾名思义系有四种唔同嘅方式去处理甜虾
最底层系原只开边甜虾虾身
第二层系甜虾剁成甜虾蓉咁样
第三层系经过火枪烧过嘅虾头膏
然后最面就有炒干咗嘅樱花虾碎碎
呢一件寿司真系超出色
个口细啲嘅话 差啲一啖都食唔晒
一次过有四种好唔同嘅口感同埋味道非常特别
金目鲷配乌鱼子系经过风干熟成左三至四日
所以鱼皮表面系比较脆
再经过火枪烧一烧表面
再加上一啲乌鱼子喺上面
味道真系一流♪( ´θ｀)ノ
海胆杯
1 浏览
0 赞好
0 留言
另外想讲一讲海胆杯
海胆系来自北海道嘅紫海胆
系无加明矾作为防腐剂
而系用咗电解水防腐
所以味道更加清甜冇咗浸涩味
面头加咗用米整成嘅淡雪盐
成件事更加好食 味道更出更creamy
芝士
2 浏览
0 赞好
0 留言
仲有就系伴碟嘅配菜每一样都好有心思
全部都系自家制嘅
师傅仲特登请咗我哋食佢啲特制嘅芝士
三角形𠮶一只系用咗面豉去腌制嘅车打芝士
要经过一个半月嘅发酵先整成
另外面头烧过嘅𠮶一只系用咗
日本白面豉、赤面豉同麦麸面豉去腌制
上菜嘅时候会轻轻用火烧一烧
食落口𠮶一浸芝士味真系好难忘
非常之浓郁！
但由于腌制嘅时间比较长
并唔系每一位客人嚟到都会有机会食到
所以我哋真系非常之幸运(〃ω〃)
❀汤Soup
↬鱼汤
用咗好多种鱼去熬制
而且落咗好多唔同嘅配料
所以味道都好香浓
1 浏览
0 赞好
0 留言
❀卷物 Sushi Roll
↬拖罗手卷
呢个简直系好睇兼好食
因为就好似喺迪士尼睇烟花表演咁
师傅会用火枪烧吞拿鱼嘅鱼皮
热力再加上油分从而制造出火花嘅效果
之后用吞拿鱼油脂再加赤身碎、京葱、千本渍、
能葱、海苔去捞饭整成手卷
而且师傅好贴心知道我已经食到好饱
所以就用咗鳕鱼片取代海苔
既可以试到呢一个饭嘅味道而又唔会太饱
甜品
1 浏览
0 赞好
0 留言
❀甜品 Dessert
↬红豆抹茶蛋糕
抹茶brownie加上奶油同红豆
味道真系好match好好食
另外仲有糖度高嘅佐贺密柑
最后有hojicha帮我解甜解油腻
白虾海胆杯
1 浏览
0 赞好
0 留言
另外都想讲讲男朋友食𠮶个餐
其中一样系 白虾海胆杯
呢样师傅话都系餐厅嘅signture
因为用左12年既鲟鱼子
再加埋花绍蟹蟹壳整嘅上汤啫喱再加金箔
配合白虾同海胆食
味道都非常之出色，而且外观都好靓！
花绍蟹刺身
0 浏览
0 赞好
0 留言
仲有一个系花绍蟹刺身
因为佢真系啱啱喺日本空运到香港
另一个师傅喺将只蟹蒸熟之后
我哋面前慢慢咁拆肉
面头再配返佢自身嘅蟹膏
好鲜甜美味(´∀｀=)
呢一餐真系好完美(〃ω〃)
师傅同店员都好nice
唔单只介绍菜式嘅时候讲得好详细
仲会同我哋讲好多日本菜上嘅小知识
成餐饭都有倾有讲，食得好开心舒服
佢哋仲请咗我哋饮柚子酒叫泉姬
系一只好清甜，度数唔高而且冇苦涩味嘅酒
好适合女士饮用
比起我平时饮开嘅真系好唔同
佢真系完全冇咗个阵酒精嘅味道
所以如果唔系饮开酒嘅人好容易就一杯又一杯咁饮醉
最后想讲吓佢哋嘅女洗手间真系令我好叹为观止
餐厅老板娘真系一个好贴心嘅人
因为适逢我哋去𠮶一日天气唔好落紧大雨
洗手间居然准备咗Dyson风筒比客吹干头发
然后仲有Jo Malone嘅香水同Handcream可以使用
就连女性用品、漱口水等等都准备得好充足
真系我喺香港去过咁多个洗手间
都未试过有咁仔细嘅设置
非常之难忘同好值得赞赏⁽⁽٩(๑˃̶͈̀ ᗨ ˂̶͈́)۶⁾⁾
如果大家都有日子想庆祝或者食返餐好嘅
不妨试吓去呢一间餐厅
真系越食越有惊喜的(⑉︎• •⑉︎)♡︎
—
📝评分
味道 ⁵ / ⁵
环境 ⁵ / ⁵
服务 ⁵ / ⁵
卫生 ⁵ / ⁵
抵食 ⁵ / ⁵
—
📍 舍 (铜锣湾)
铜锣湾边宁顿街13-15号Biz Aura 3楼
_
张贴
