第一郡 (已結業)

今日本来同太座去铜锣湾维园打网球，撞正落雨，认真扫兴，唯有同太座去铜锣湾行一阵，然后揾吓边间餐听食晚饭。因为几个星期前我地去完越南旅行，好挂住当地嘅美食，所以老婆建议再去食越南菜回味一下。于是就喺天后威菲路道揾到一间个名好特别，叫（Q1 第一郡）嘅越南餐厅我哋入去揾个位坐低，可能太早去到，所以人唔算太多。睇完菜牌后，我点咗个蟹膏番茄汤檬粉，佢嘅蟹膏饼好特别，开头我以为佢俾错咗炸豆腐俾我，但食落就感觉到香浓嘅蟹膏味道，猪红又好嫩滑，扎肉入边有胡椒辣辣地，一个字正。我又点咗个冻嘀嘀咖啡，咖啡味好香浓，侍应话系正宗嘅越南咖啡粉。我老婆就点咗个招牌菜Q1面，佢话汤底好鲜甜，鱼肚好弹牙，好有口感，带子鲜味十足，跟住又点咗杯芒果沙冰，芒果加埋牛奶落去打得好滑，芒果味又好香浓。我哋又点咗个米纸虾卷，加埋啲特别嘅酱汁，味道一流。最后嗌多个甜品斑斓绿豆糕，呢个绿豆糕好好味，我谂每个女士都会钟意食，大嘅食咗个几钟先埋单走人。太太好满意呢餐。