段純貞牛肉麵 (如心廣場一期)

营业中

休息中

荃湾如心广场系荃湾嘅新地标，呢度嘅商场又大又好行，而且四通八达，交通又方便，所以都有好多唔同嘅餐厅进驻。呢一间来自台湾嘅面店，就喺如心广场入面，交通便利，而且环境光猛座位舒服。餐牌做得都几精美，食物款式多，除咗台湾牛肉面，仲有牛肉嘅唔同部位可以拣，所以可以按住喜好去食唔同嘅牛肉面。另外都有其他唔同款式嘅食物，又有台湾嘅饮品，感觉好多选择。原味牛肉面$84汤底用牛骨熬制，有牛嘅鲜甜味，唔会太咸，牛肉选用来自美国嘅优质牛肉，有肉有筋口感一流。蒜香手撕鸡干拌面$78入面有好多蒜头，也有炸蒜，所以好香又好味。棉质好滑又弹牙，夏天食拌面系一个几好嘅选择。新鲜豚肉锅贴$48锅贴皮薄馅大件，有猪肉也有椰菜嘅馅料好味，煎得够香口。胚牙珍珠奶茶冻$28珍珠弹牙又有黑糖味，奶茶比较甜咗少少，欣赏餐厅用只饮管够环保。荔枝乳酸饮料$28有汽又酸酸甜甜嘅开胃饮品。