百味鮮辣蟹專門店 (已結業)

相隔两个月又来啦，今次系公司同事生日聚餐，我地预订咗百味鲜卡片后面啲野食，即系平时餐牌无嘅菜，今次又唔同上次的体验。点咗几个前菜，准备食住先。反正主菜都巳预订好咗，哈哈，咕唔到最先上嘅系虫草花浸菜芯，之后各个小食陆续就上齐。进入主题，蟹酒玉冰烧，真系食到啖啖蟹肉，一球100蚊真系货真价实，火烧鸡卷配上波萝先发挥到威力，至今仲回味紧，鸡肉够香滑，波萝又衬得好好，加埋𠮶芝麻酱真系掂呀，烧牛肉个人觉得一般。鲍鱼𠮶清酒汤底好热好鲜。成餐饭菜式由热到涷再由涷到热犹如坐过山车，好满足，埋单时查询老板佢话我地食嘅工夫菜一定要做到最好，所以吩咐厨房换咗次序及慢慢上。唔怿得之中间有10分钟左右停咗一阵无菜上枱，但呢份用心制作做好美食真系值得俾赞，同行四人都一致赞好。