越男仔 (已結業)

今日要在湾仔修顿见客，做完嘢都差不多两点钟，就四围睇下有冇好嘢医肚，望过对面街，有一间门面、招牌黄黄绿绿好吸睛，咁就过去试下咯！这里舖仔细细，坐在店中央既我对正部大电视，正播紧老板接受访问及介绍餐厅既片段，发现好多特色又有创意既菜式。不过今日一条”冷”，而且下午仲要赶返公司，咁就点了个”胡志明市红番茄四宝汤檬粉”，大大碗上枱，有扎肉、猪扒、猪颈肉和炸猪肉，全部系猪，各种猪肉的味道都唔错，猪扒有香茅味，札肉香料味浓，炸猪肉爽口好味，各款都经过悉心烹调，钟要食猪既我就啱晒。汤底呢，系用咗番茄膏煮成，香味十分浓郁，伴蒙檬粉吃好夹味，连个汤都饮埋。跟手叫埋个小食先，春卷、米纸卷、软壳蟹、蔗虾全部都冇叫，净系点咗个招牌推荐既法式芝心虾多士(4件)，呢个虾多士大大件，虽经油炸但油而不腻，上面布满芝麻，内里夹著流心芝士酱，个人强烈推介，食完超满足。