Pho Metro (已結業)

今日去开铜锣湾行，又咁啱想食汤面，朋友介绍左一间越南野俾我，所以决定去pho metro 食晚餐！喱到环境都几舒服，喱到都唔算好多款野食。 我地最后拣左两个面食一个小食同两杯野饮。特别牛肉粉：特别牛肉粉个汤底好好味，有好多款材料，有牛肉，牛栢叶，牛丸，牛𦟌等等，食材都好新鲜啊！蟹膏汤檬：汤底唔算好有蟹膏味，但就几足料，有两粒大肉丸。而喱度嘅檬粉似米粉，好幼身。我钟意特别牛肉粉多啲。芒果米纸卷：味道相当不错，芒果几甜，食落好清新，几开胃。热咸龙眼蜜：因为喉咙唔舒服，所以一定要饮热饮，呢个咸龙眼蜜好有惊喜，好滋润，甜甜地咸咸地，有龙眼嘅清香，感觉好养生，比想像之中好饮好多。牛油果沙冰：呢个沙冰好特别，平时喺出边都好少饮到牛油果沙冰，牛油果味唔算太重，奶味比较浓，但沙冰好滑身，都好好饮！人均消费大概$180。