早安越南 (已結業)

今晚条越南瘾又发作, 要揾D 越式野食止下瘾。Search 附近地方, 最近就系呢间早安越南, 就即管试下。入座时未够7 点, 唔需要等位。好钟意呢到既装修, 比一般越南餐厅modern, 灯光比较暗, 几有情调, 坐得舒服, 服务态度好。menu 都有好多选择, 但食越南野我钟情蔗虾, 金边粉, 今晚都唔例外呀, 另外叫多个菜健康下。呢到既庶虾比我平时食开既大, $82 有4大旧, 炸得金黄, 唔会太油, 虾肉爽口弹牙, 旧蔗仍然充满蔗汁, 配埋最夹既甜酸酱, 仲有最紧要上枱仲系热la la 的,好味道。我既最爱-越式炒金边粉($80), 炒得干身, 唔会炒到好油,唔会炒到一pat pat , 甜甜酸酸的, 味道岩岩好,  有虾, 有扎肉, 芽菜, 蛋丝同炒, 面头仲有D 炸干葱, 捞埋一齐食, 更加好味。 马拉盏炒通菜($67), 咁多种炒菜, 最钟意都系食马拉盏, 够惹味, 呢到炒得唔油, 唔会炒到好老, D 菜仲好脆绿。总括: 唔错, 最钟意D 食物够热, 会再来的。