王府

营业中

休息中

与同事一行四人LUNCH TIME不知食乜好，行到威灵顿街见呢间舖唔驶等又未食过，咪入去试下啰！先讲食物，我们四人点了三款不同的饺子，羊肉饺子，海参三鲜饺子同唔记一款是什么。可能我地唔识欣赏啦，食完觉得无乜特别，一般饺子店水准。每碗约$4X，不算太平，系中环来说价钱一般啦。大家食完谂住倾一阵先返公司，过一阵好快立即有人过来收拾你枱上啲野，OK，即系赶我地要走了。呢样唔过份，明白LUNCH TIME多人，我们谂住倾多两句就走，点知唔够廿秒，店员已系我们面前抹枱、把新的碗筷餐具排好了。 乜料先，单都未埋，你唔俾我再叫嘢食呀，原先想走的我们立即决定再倾下先走。转过头就有店员过来对我们话，出面有人排队，食完野就出去埋单俾钱。 话，火都嚟埋，我们即刻问呢到食嘢系咪有限时㗎?店员即刻唔知点答就走开了，之后店员轮流系我们隔离行来行去，我们都费事理佢。不过知道出面有人等位，我们吹多两咀都走了。如果你要食快餐，呢到一流，你唔想走都赶你走。如果唔系，劝你唔好帮衬呢间舖。