鞍山茶座

营业中

休息中

下昼5点半左右入去想食个下午茶，座底左个待应一摆底两张下午茶餐牌就问食咩，我睇都未有时间睇，就同佢讲话睇一睇先，佢就话收6点催我地快啲落单，然后一直隔喺隔离chur你，咁都算，我好快咁落完单，而啲嘢食一两个字内都到齐，因为全餐厅得番三枱客，嘢食放低左之后就催我埋左张单先，埋完以为可以安心咁食，但都错晒，5点50分左右就熄晒全餐厅冷气加电视，啲待应仲会一直喺附近mark实你黎收碟执枱，务求你唔好阻佢收工，最好笑系喺佢熄晒冷气之后听到个待应话有啲焗。最后我快快手食完6点前走人，真系怕留多一分钟都会比人赶💩餐厅地面好滑唔知系油定水。野食一般，上菜算快，主要因为无客。服务系垃圾，试过嘅唔会再试，未试过嘅就无谓贴钱买难受。