影片
更多
2023-06-14
625 浏览
系附近做完正经野，本来想去试既餐厅大排长龙时候已不早，好多餐厅都last order咗，见呢间餐厅仲未有10分钟先last order而且仲有大半个钟先close，就入去试下🙃有主菜有甜品，仲有set dinner，而呢到主打招牌野应该系可丽饼”crepe”有咸有甜。当晚2个人叫咗一个Set dinner、一个意粉。set dinner包前菜、主菜、甜品同餐茶。前菜拣咗沙律，主菜拣咗黑松露意大利宽条面，甜品拣朱古力香蕉可丽饼，餐饮就点咗杯热Americano，另外散叫咗碟手工肉丸意大利面。# Set dinner $268前菜 Caesar Salad 好味6/10味道正常大众口味🥗用既蔬菜尚算新鲜爽脆面包粒都脆，整体份量正常主菜 黑松露野菌宽条面 好味4/10首先味道偏咸，上台闻唔到又食唔到有黑松露味，食到好重淡忌廉同鸡汤味，而且蒜味都比较出，加上有芝士洒系面捞埋之后，芝士味同咸味完全遮盖哂黑松露既味道，面质非常之淋，好似茶记既肉酱意粉咁淋啤啤😵💫甜品 香蕉榛子朱古力可丽饼 好味3/10味道普通，crepe上面吱上棒子朱古力酱，里面有8-10片香蕉肉同cream，香蕉肉新鲜，
系附近做完正经野，本来想去试既餐厅大排长龙
时候已不早，好多餐厅都last order咗，见呢间餐厅仲未有10分钟先last order而且仲有大半个钟先close，就入去试下🙃有主菜有甜品，仲有set dinner，而呢到主打招牌野应该系可丽饼”crepe”有咸有甜。
当晚2个人叫咗一个Set dinner、一个意粉。set dinner包前菜、主菜、甜品同餐茶。前菜拣咗沙律，主菜拣咗黑松露意大利宽条面，甜品拣朱古力香蕉可丽饼，餐饮就点咗杯热Americano，另外散叫咗碟手工肉丸意大利面。
# Set dinner $268
前菜 Caesar Salad 好味6/10
味道正常大众口味🥗用既蔬菜尚算新鲜爽脆
面包粒都脆，整体份量正常
主菜 黑松露野菌宽条面 好味4/10
首先味道偏咸，上台闻唔到又食唔到有黑松露味，食到好重淡忌廉同鸡汤味，而且蒜味都比较出，加上有芝士洒系面捞埋之后，芝士味同咸味完全遮盖哂黑松露既味道，面质非常之淋，好似茶记既肉酱意粉咁淋啤啤😵💫
甜品 香蕉榛子朱古力可丽饼 好味3/10
味道普通，crepe上面吱上棒子朱古力酱，里面有8-10片香蕉肉同cream，香蕉肉新鲜，个crepe口感偏软淋🙆♀️个人觉得$30-50既小店可丽饼好食过呢到啰
餐饮 热美式咖啡 好味3/10
好明显系用商业豆而不是精品豆
一入口苦涩酸咸 完全无咗个甜感😑
而且饮落好鞋口 一d都唔顺滑 成条脷都苦苦不散🤢
手工肉丸意大利面$128 好味0/10
呢碟意粉系散叫既，份量同Set dinner个碟一样，一夹起身都知系淋Q哂😂真系仲淋过碟黑松露野菌阔条面🙈无牙阿婆岩食，同咗个侍应反映，佢话d软硬度系较好哂无得变😯话帮我取消先，转个头佢见我睇餐牌拣唔到叫咩就同我讲话可以叫师傅再煮碟无咁淋既俾我，我就俾个机会佢啦，点知等咗劲耐先嚟，得返20分钟就close啦🤬第二碟仲大获，唔知系咪厨师赶收工，碟意粉系未熟既🤬我食咗第一啖系好硬同意粉痴牙，我就揾下系咪d意粉未熟所以咁情况，点知我搣开好几条意粉心系白色嘅，真系未煮熟🤬我叫返个𠮶话可以煮多次个我既侍应埋嚟，佢嚟到听完我话意粉未熟，佢就叫经理过嚟处理，个经理埋到嚟问我咩事，我叫佢睇下 意粉个心都系白色未熟呀，有无搞错，我系想要al dente，而唔系要一碟未煮熟既意粉，个经理仲好笑，话可能师傅谂住你想要脆啲，所以就煮生啲俾你😵乜野要脆d呀大佬，真系唔识架㖞，个经理只系讲咗2句唔好意思我帮你取消佢就行走咗了事😑以后唔会再嚟，大家自己衡量系咪一定要嚟呢间店食可丽饼啦🤷🏻♀️
#题外话
呢到服务系好差，员工无乜礼貌又好似好新咁😃
我问个女侍应攞黑椒同埋Tabasco个女仔埋离应完我之后行过我张枱几次都无俾我，我见佢企系吧头等出菜都无理我，我再问另一个男仔先攞到黑椒同Tabasco😂埋单叫完好耐无人嚟，再叫个男侍应，佢话要叫同事，佢话自己唔识埋单😅可能真系赶收工，个女侍应喺我隔离张枱执枱，突然好大声砰砰2声，打烂咗只杯一地都系水，玻璃碎一枱都系，好彩玻璃碎冇弹到我，但个女侍应完全系旁若无人嘅态度，一声唔好意思都冇🤷🏻♀️
环境: 6/10
服务: 4/10
卫生: 6/10
掋食: 3/10
张贴
