大快活 (京瑞廣場1期)

营业中

休息中

一个人赶时间，在石门见到有间新开大快活即刻入去睇吓有乜食食完走，晚餐都好多嘢选，原来现在最平都要$40，而且唔包野饮，要饮嘢还要加$6我就选左个日式咖喱汁厚切吉列黑豚饭，价值$45,之后收银俾左张单和感应器我，原来呢间有送餐服务，呢个服务几好唔使攞住碟饭周围找座位，可以找左座位，然后将感应器放在台上适当位置感应一次，之后就等待应送餐，不用十分钟待应就将饭送到，后返感应器和张单，首先睇吓卖相猪扒几厚，炸得金黄色冇过火，个咖喱汁食落香浓甘香只系觉得个汁唔够多，薯仔几粉和甘甜，除左薯仔还有蔬菜和红萝白，算几好饭真系用上珍珠米，烟烟靭靭，好好味,到最重要既猪扒，食落好软滑多汁，脆皮唔厚，薄薄的好松化快餐间唔中都有好野。