大快活

营业中

休息中

港式快餐是香港獨有的一種快餐文化，而香港三大快餐集團的大家樂、大快活和美心MX均是港式快餐的代表。首間大快活於1972年12月於荃灣眾安街開幕，目前集團在香港及中國已經營超過146間分店。大快活令人印象最深刻的，除了是首創快餐即磨咖啡，還有小丑舊商標，這個商標沿用了30年，目的是希望帶出活力的感覺，正正是迎合70年代至千禧年的年輕客群。不過，大快活多年來改革不多，直至2003年推出品牌的全新形象，除了裝潢換上鮮橙色，更設計「跳躍人形」的新商標，除了表示快活的意義之外，同時帶出世界大同的意思。餐廳將餐牌安裝在店舖牆上，落單可經收銀員服務，堂食可用桌上的QR Code手機點餐。付款取得收據後就可找空枱就座，當收據上的編號出現在取餐櫃枱的螢幕時就可以去取餐囉！晚市有送餐到枱服務，落單時收銀員會給予顧客一個感應器，顧客只需將感應器放在餐桌面的特定接觸貼紙上，服務生就會按數據將餐送到顧客桌前，非常方便及有效，值得讚賞！

忙了一大輪不想煮飯，是但找間食店醫肚，見商場有大快活，就點了皇牌焗豬扒飯堂食。記得很久前這飯是快餐界皇牌食物，無得輸！取了份餐，熱騰騰的👍🏻，打開見賣相和以前也差不多，不過塊豬扒薄左，有大骨頭🙄️，D飯5似有抄底，系爛飯，失望！奶茶系快餐店一般貨色無特別，皇牌豬扒焗飯回憶不再真可惜！

講真，食物真系一般般，但維持到快狠準的速度，最適合香港人的節奏，又入去落單到攞完外賣，15分鐘都唔使出返嚟，返到Office仲有45分鐘，算係咁啦，好食又稱唔上，不過不失咁啦！

返工時間去大快活買個早餐，點知買咗一肚氣拎完外賣返到Office打開，見到慘不忍睹既狀況。杯蓋無妗實，倒咗大半杯出嚟，都算，茶啫無所謂喇.點知最慘不忍睹既係，我塊吉列豬扒被茶水淹沒，成塊扒濕漉漉，一個字「衰」蕃茄通粉除左兩粒牛丸外，真係食唔落喇😫😫😫

I was looking for a quick dinner with a few of my friends yesterday night and we spotted this restaurant. The service there was awesome to say the least. Although the environment might not be the most luxurious, it was comfortable and quiet enough for us to enjoy our meal. The food was very nice and the price was more than fair I would say. The portion was just right for us. Would definitely recommend this place to others looking for a fast and inexpensive meal.

琴晚去咗石門行街🙈行到有啲肚餓於是見到大快活有得鋸扒就去咗。我已經好耐冇食過大快活啦，估唔到今次食落好ok喎！🌟我嗌左個經典經典牛扒鐵板餐🐮入面有牛扒、爆芝珍寶腸、炸得金黃的薯餅、脆身蒜蓉包及足料羅宋湯，淋上濃稠微辛的黑椒汁牛扒：牛扒夠大件！🤩雖然唔係厚切，但口感軟嫩，不會過韌，而且牛味濃重，配上惹味黑椒汁，帶淡淡焦香🤤底下仲放咗啲西蘭花吸曬黑椒汁🤩健康又惹味爆芝珍寶腸：超巨型脹卜卜，芝士餡料又多，好重芝士味🤤薯餅及蒜蓉包：脆卜卜，吃落會聽到「咔嚓」聲。😍羅宋湯：蔬菜份量好多，酸甜好飲另外仲有一個驚喜到我嘅就係佢嘅蟲草花雞湯！勁足料！入面好多雞肉同豬肉碎😆🤤唔係出面個啲加左勁多水嘅湯🤩可惜唔記得影相🙈🤣因為太好飲！地址－大快活 (沙田)沙田石門安群街3號京瑞廣場一期地下G40-42號舖人均價格－$50-100

很久沒有時間好好吃一個早餐，今天到石門見客，早了點到逹就去了大快活吃了一個中式早歺，選了炒麵加蘿蔔糕，炒麵有點乾，上面個肉醬汁有點咸，蘿蔔糕反而味道不錯，煎得幾香

在石門食連鎖快餐店，《大快活》算是最就腳的一間。原因，就是《大快活》不用上樓，在地下的一層。好多時的我，一出火車站，就鑽進來，來一個輕快的早餐才安心上班。我喜歡的早餐，是雞扒早餐。一片香煎的迷你雞扒，一份香滑的炒蛋，一份味道算是不錯的蘿蔔糕，再加上一杯滑而奶味濃的熱奶茶，會令我的身心都感美滿，吃好後就可以愉快地上班。午餐了，來到《大快活》我會喜歡吃他們的咖喱，濃濃香香的咖喱汁，伴飯一流，許多時，我會選擇雞件多過牛腩，因為雞肉配起咖喱來，比起牛腩是更香更滑口的，當然，食雞又平少少，所以，我比較喜歡咖喱雞。只因為，香口嘛。在石門食快餐，因位置比較方便，我首選《大快活》。

又健康又平有時出街食想食多啲菜好鬼貴，難得咁平嘅價錢食到咁多菜，仲有藜麥，係好抵，通常啲藜麥沙拉起碼六十幾七十蚊又勁少份量。呢個南瓜藜麥雜菜餅飯只係$41真係超抵！仲要連野飲！仲有紅米飯！個南瓜汁ok架，藜麥在雜菜餅入，餅入加上青豆，係咸左啲。

有晚去大快活買外賣返公司食, 凍凍地突然想食糯米飯, 就試左大快活呢款五香雞中翼糯米飯$48~ 基本配料如臘味蝦米花生蔥花都有, 各種配料既份量都均勻, 不過一食第一啖就覺得麻麻地D糯米飯既軟糯感還可以叫做ok, 但d飯煮得真係濕潤左d, 唔知係咪因為咁樣所以搞到d口感都太油膩黏笠..食到成口油咁...而五香雞中翼有4隻, 每隻都細細隻, 但味道又幾好, 煎得都幾好食又夠五香味丫. 我諗下次都係食番唔落味精系列穩陣d~

前幾年不停聽到反「地產霸權」的聲音，不知是否將新鮮變成習慣了，大家似乎「馴化」了。身在香港，反「地產霸權」談何容易呢？地產霸權懂得分身，明知你不喜歡，會開發其他品牌和餐廳，你以為你避得過？哪怕還在五指山呢！是咁的，今日我光顧大集團大家樂，原來大家樂的分店已經可以媲美麥當勞餐廳地方寬敞，顧客出出入入也不覺擁擠。咖哩雜菜蛋飯今天我吃素光看賣相已經可以肯定，一定沒有伏！將蔬菜加入咖喱，讓咖哩帶著天然的天然甜味椰汁和咖喱調配得剛剛好，咖喱配白飯，宅女的浪漫咖哩飯飯有雞蛋、西蘭菜花、茄子、薯仔和紅腰豆。雞蛋平衡了咖喱的濃重口味，使口感也變得順滑，配上各式的蔬菜令咖喱味道不單調，愈吃愈滋味呢！多種蔬菜口感不單調，濃重咖喱中和了蔬菜的寡淡，健康的一日只要肯發掘，美食就在左近✌🏻

同朋友打完波食個下午茶吹下水，就去食大快活，我叫左個西多士配蜜糖雞翼，一杯汽水，咁就$29。環境寬闊，具空間感，坐位較多，服務節奏快。西多士無餡料，偏薄，西多士不太企身，雖然等餐時間比較短，好快有得食，沒有偏焦濃。配上煉奶同牛油，令西多士不太乾身，容易入口，但口感遍差，準備時間較長，減少了西多士光澤，有待改善。蜜糖雞翼，比較瘦身，肉質偏少，蜜糖味尚有，雞翼偏暗淡，欠缺光澤，雞翼肉質比較硬身，雞味不太濃厚。

連續放咗幾日假 ，瞓到自然醒起身都仲係十點幾 ， 於是一條友走落去大快活食番個早餐先 。好耐冇去幫襯食早餐啦， 平時朝頭早起身返工趕頭趕命買個包當早餐食了事， 難得今日可以輕輕鬆鬆慢慢歎返個早餐， 記得細細個嗰陣 已經開始 特別鍾意食 大快活嘅早餐， 一食食咗幾十年。一般我都會點吉烈豬扒，腸仔煎蛋 ，多士轉煎蘿蔔糕再跟返杯凍檸茶， 點知今日去到冇得食得雞扒餐點， 好啦唯有轉轉口味， 看到塊雞扒有點失望 細細嚿 ， 而且啲肉實滴滴咁，可能天氣凍 喇 啲醬汁好似 凍到一嚿嚿 ，煙都無煙下… 個滑蛋都ok都幾滑，另外 蘿蔔糕就略嫌硬咗少少囉😞 唯一冇變嘅就係佢杯凍檸茶 唔會苦唔會見，茶有茶味，味道剛好。

一個人趕時間，在石門見到有間新開大快活即刻入去睇吓有乜食食完走，晚餐都好多嘢選，原來現在最平都要$40，而且唔包野飲，要飲嘢還要加$6我就選左個日式咖喱汁厚切吉列黑豚飯，價值$45,之後收銀俾左張單和感應器我，原來呢間有送餐服務，呢個服務幾好唔使攞住碟飯周圍找座位，可以找左座位，然後將感應器放在檯上適當位置感應一次，之後就等待應送餐，不用十分鐘待應就將飯送到，後返感應器和張單，首先睇吓賣相豬扒幾厚，炸得金黃色冇過火，個咖喱汁食落香濃甘香只係覺得個汁唔夠多，薯仔幾粉和甘甜，除左薯仔還有蔬菜和红蘿白，算幾好飯真係用上珍珠米，煙煙靭靭，好好味,到最重要既豬扒，食落好軟滑多汁，脆皮唔厚，薄薄的好鬆化快餐間唔中都有好野。

一諗起雞脾下午茶，就梗係配紅荳冰㗎啦，由細細個就係咁嘅組合。原來除咗紅荳冰外，仲可以配碗仔翅。咁就一於改下個pattern, 今次要碗翅啦。雞脾燒得好好，雞皮上嘅油都燒到蒸發哂，好香燒烤味，而雞肉又唔乾仲好juicy添，調味又啱啱好。一隻燒得咁高水準嘅燒雞脾，真係可遇不可求呀。拍埋咁正嘅燒雞脾，碗仔翅就真係比下去喇。個豆粉就太多lu，同街邊車仔檔嘅品質差好遠，但是，其實都是還可以的，味道都okay 。一啖雞脾，一啖翅，enjoy 我的下午茶。