芽莊越式料理

营业中

休息中

本身出嚟旺角谂住行花墟买花，但系方便泊车关系，于是就选择喺旺角新世纪，行过芽庄，见到入边客人好多食物也不错，加上我哋赶时间，一于入去试吓啦！我哋叫咗两个午餐再加左杯特饮，我哋叫咗香茅鸡捞檬粉，份量几大而且鸡肉好多也很入味，不过比较炸，略为㶶咗少少以为配小食份量好少，点知芥兰苗都好大碟！而另外一款就系咖喱猪扒饭，分量绝对系一位男士可以够食，但系我哋两位女士就略为多咗少少，因为小食我哋拣咗炸鱼饼，起初以为好细件，原来好口肉仲好大嚿添餐饮叫咗热桃蜜柑桔，用料十足，绝对唔系用果汁捞出嚟！至于花茶也比较香浓，一瓶绝对够两个人分！服务员比较少，佢哋超级忙！整体来讲可以一试不过价钱就略为高咗少少！