榮哥煮場 (已結業)

同阿女庆祝生日，一家大细尼食饭，餐厅职员&唔知系咪老细既老细🤣态度热情好客，令人食得好舒服，一直keep住有客人，都算多人食，上菜速度快，我地叫左两个2人套餐，再加左d野饮，挂住食，冇点影相，小朋友比较细食，加上份量都几足，所以都食到饱饱。老细好好人仲帮我地分埋鸡汤，我饮汤都饮左3碗，觉得好满足，不过可能我自己煲汤几乎唔落盐，所以觉得个汤稍为咸左少少，但都能接受，鸡肉唔鞋身好食，同埋份量多！千岛酱虾球好食，大小朋友都好钟意食，如果唔系饱，争啲想叫多份😅煤炭饭特登跟套餐叫左个试下，样子特别，味道亦唔错！烟烟韧韧、少少甜，好啱我仔既口味👍🏼虽然到食生日蛋糕系唔会提供餐具服务，不过好彩有一早系电话问定，所以我地有自备餐具，不过佢地呢个做法我地都接受到，因为呢度始终唔系食蛋糕既地方，冇理由要人做多左野，而且佢地已冇收加一，我觉得赞👍🏼成餐饭食得开心，而家好少呢类型既餐厅啦，希望佢地保持到水准同服务态度！有机会一定再尼帮衬！