康瑞涼茶 (已結業)

话说之前去开长沙湾食晚饭，谂起想试好耐嘅糖水舖就喺无几远嘅深水埗，于是饭后同朋友去咗食个饭后甜品。之前网上有好多人推介呢间嘅台式芋圆地瓜圆，话好多人排队试食,好好彩当晚咁啱有人走，唔使等位即入。呢度主要喺中式糖水配芋圆地瓜圆，如果唔钟意，可以改配汤圆都得。天气咁热，所以我点咗特式仙草百配，配料好丰富。芋圆，地瓜圆嘅份量好多，都几烟韧，但芋头或蕃薯味比较淡。仙草好滑溜，红豆够腍，唔会好甜。混合各种配料一齐食， 口感好丰富。难得大大碗足料糖水，都只系25蚊，抵食