摩登士丹里

营业中

休息中

龙门居不嬲都系扫街胜地，今次试呢间摩登士丹里，佢最出名系芋圆系列。我同朋友点咗有得拣芋圆系列（$33），一份三色芋圆再加三个配料，我地拣咗热仙草、椰果同芦荟。每个配料份量都好多，而且成碗都好大份！好抵食，好彩唔系一人一碗咋，否则食唔哂。-👉🏻三色芋圆 ： 分别系地瓜圆、芋圆、紫薯圆。味道几出色又浓味，味道比其他芋圆店自然，一试就会知佢系咩味嘅芋圆。芋圆煲得弹Q又烟韧，唔会过份软腍或太硬，非常有惊喜，而且几大粒，份量都好多粒。👉🏻热仙草 : 好滑，味道正宗，仙草味甘浓！同芋圆好夹。👉🏻芦荟同椰果 : 由于仙草同芋圆都系浓味，又唔想嗌丸子同珍珠令到成碗都系嚼劲强嘅配料，所以拣咗芦荟同椰果黎增加整体口感，但又唔会太过抢仙草同芋圆的味。味道不过不失。-我真系好想住系龙门居！因为每间小店都各有风味，味道唔差，住系度，吃货会好幸福！