摩登士丹里

营业中

休息中

有得揀芋圓🥳💛係最愛既芋圓啊！🍠🍡呢間可以稱得上係全屯元天最好食嘅芋圓性價比超級高佢有好多個套餐我有選擇困難症嘅人來講我會選擇有得揀套餐 即係自己揀三份配料同一底款底款方面有得揀仙草仔豆花底紫米露底我就選擇左先仙草底 好滑! 有得揀嘅套餐入邊基本已經包左一款三色芋圓 總共有15粒五粒芋頭圓五粒紫薯圓同五粒地瓜圓 配料方面係十分之多選擇以我就選擇小丸子珍珠同埋芒果脆脆爆珠有得揀套餐只係$33仲要超大碗一個人通常食唔晒 芋圓煙銀有芋頭味我個人最鍾意食地瓜圓同紫薯圓 真係超級出味 而佢個芒果爆豬都好過癮一入口就即刻爆曬啲芒果醬出嚟所以我係十分推介呢間士丹尼嘅芋圓 我仲試過佢嘅水蜜桃紅茶加小芋頭條但相反我就覺得佢嘅仙草同甜品出名啲如果大家住屯元天嘅話可以黎試吓啊

#fatfat食在屯門📍屯門龍門路43號龍門居地下7號舖呢間士丹里除左台式飲品、甜品 仲有港式野飲選擇好多人都會揀佢地既芋圓系列但食到飽飽地都係飲杯野好了👧🏽 最喜歡香港情懷系列既大個仔鴛鴦即係奶茶+華田+好立克話就話 大個仔 根本就係小朋友飲料😂不過可以一次過滿足哂三種味道茶記同出面手搖飲品店 一定無咁樣既溝法呢杯 大個仔鴛鴦 好立克同華田味 較重要飲到尾先會 𝚏𝚎𝚎𝚕 到佢陣茶味除左屯門 元朗都有分店大家有機會不妨試下🧋-門牌背景既大字勁有港式風味-整體 𝟻💓滿分味道 ❤️🧡💛💚價錢 ❤️🧡💛💚💜服務 ❤️🧡💛💚

龍門居食街到夜晚就係一個小夜市，街頭行到街尾，由小食到粉麵甜品都應有盡有。士丹里都食過好多次，每次都係例牌芋圓2號。⚫️芋圓2號鐘意佢既仙草底，仲有小丸子同埋紅豆。佢既芋圓係分開上，覺得好好呀。仲要份量係超多，如果你倒埋落一碗到，應該係閂唔到蓋架，不過有時硬左啲。比較喜歡芋頭味，一路咬，芋頭味就慢慢湧上🥰🥰😍除左芋圓大份，佢仙草同所有配料都係非常之大碗，覺得呢個完全係2人份呀🤣🤣真心cp 好高

士丹里係位於龍門居嘅手搖店，仲有糖水賣😋之前飲過佢啲手搖，今次就決定試吓佢啲糖水🙇🏻‍♀️▪️芋圓紫薯紫米露👍🏻紫米露係比較稀個隻，紫薯有整整一球，幾好食，紫薯味好濃郁。而且芋圓好彈牙，份量算多，不過留意番佢嘅芋圓就係得紫色，冇其他顏色嘅。👎🏻芋圓比較淡味，比較多嘅係糖水味⭐️可以叫店員加多啲椰汁，會更加好味整體來講都幾好味，經過龍門居都會再買嚟買，覺得呢間店嘅糖水吸引過佢嘅手搖😍

係屯門附近住左好耐，呢間就真係算做得好長。都成日會落黎買下野飲或食，速度快，芋圓係真心抵同正👍。 但雖然幫襯得耐，有樣嘢真係要彈下，唔知典解店員服務態度真係好參差🤧，呢間大部分女仔都唔係好好態度，特別係頭髮中長帶眼鏡嗰個😠講唔該又唔應，仲成日我未落曬單的時候打斷我講個價錢出嚟唔知係米想我落快啲定點，語氣仲要好差個種，其實可唔可以等我哋講完先同我哋講嗰價錢呢！相反男仔大部分服務態度都幾好，皮膚黑黑地嗰個男仔同埋好似近期新黎帶眼鏡嗰個男仔服務態度真係幾好幾抵讚，語氣幾nice幾溫柔😆👍。 總括嚟講，都會大力支持一直幫襯落去，但如果上面問題可以改善真係可以大大加分。

平時飲珍珠奶茶都係揀台式，聽到朋友介紹呢間珍珠奶茶是港式口味就好想試下，士丹里奶茶系列就係港式奶茶口味，我叫左有珍珠既少冰少甜！雖然少甜飲落都係偏甜，但係我覺得都接受到，另外其實我真係唔知台式珍珠奶茶同港式珍珠奶茶既用料有咩分別，但一飲落就真係彷彿置身茶餐廳咁，飲得出是港式口味，我估計是茶葉同奶既份量唔一樣，港式奶茶加埋台式珍珠既口感，即刻令到成杯奶茶昇華左，中意飲珍奶既朋友真係要試下！聽講佢既芋頭條都好出色，下次去屯門元朗真係要試下！

•摩登士丹里係一間專賣台式飲品同甜品嘅外賣店，得屯門龍門居同元朗先有分店🤣 有時食完飯想食糖水就會諗起士丹里嘅芋圓🤤 因為真係又平又足料😋 佢哋嘅甜品配搭都有好多款，每款都好大碗好足料，唔夠候仲可以另加配料添～•🥢小芋圓珍珠奶綠茶 $30整體飲落奶味比較重，茶味比較淡。黑糖珍珠嘅黑糖味幾濃，但珍珠口感有啲淋；芋圓口感煙韌，而且食到芋頭蓉嘅味•🥢 芋圓2號 （凍） $28大盒嘅蓋超實，好難開，但可以令啲糖水一滴不漏！👍🏼呢款嘅配料有：芋圓、仙草、紅豆同小丸子。芋圓大粒又好有芋頭味，地瓜圓就好濃番薯味，而且係分開用細膠盒裝，應該比較容易保持芋圓口感～紅豆好甜好綿滑，同小丸子好夾；仙草亦都好滑溜。整體唔會好甜，而且大份好飽！ •🥢 仙草3號 （轉熱燒仙草） $26+3呢款包括仙草、紅豆紫薯同埋花奶～呢次就轉咗做熱燒仙草。紫薯泥好香甜，幾綿滑，一大球份量都唔少！好足料！燒仙草滑溜，仲比凍食無咁甜👍🏻 但味就都好夠，因為甜味主要靠紫薯、紅豆同花奶～

每次宵夜時間黎到，都會見到呢間舖頭要排隊，食完太多油膩野，最岩就係到買番杯手搖解下渴，再加埋個甜品咁樣就係完美嘅宵夜啦！最鍾意就係呢間餐廳有個有得揀芋圓，特別之處就係可以揀你自己鍾意嘅配料，同埋糖水底，咁就可以揀個適合自己喜好嘅組合，而我最鍾意嘅就係呢度嘅紫米露底，再加埋佢嘅三色芋圓，仲有豆花凍，小丸子，真係好夾㗎！佢個盒非常之實淨，所以就算外賣拎到返屋企，都冇倒瀉過，呢個都係一個我欣賞佢嘅地方，大家如果去到龍門居一定都要試吓呢間糖水店😋😋

價錢又平，食物質素好，我有飲過唔少珍珠奶茶，但呢間d奶茶味道獨特，同其他珍珠奶茶唔同。而且佢d珍珠&芋圓都好有咬勁，唔會太軟or太硬。如果食完宵夜口渴，可以買返杯飲，非常值得一試。

在龍門掃完街，吃過濃味煎炸食品，總要解渴解膩。當日點了杯鮮橙綠茶，輕呷一口，恰到好處的比例令我甚是驚喜。鮮橙味道清新，帶甜微澀，淡淡橙皮嘅清香縈繞在口腔🍊橙味與回甘的綠茶互相交替，配合得天衣無縫🍵值得一飲!!

龍門居掃街要飲嘅嘢飲緊係士丹里，因為佢係龍門居入面最好飲嘅飲品店，而且種類超多，有台式又有港式，仲有賣埋糖水！佢地嘅咖啡同奶茶都整得好飲，而且單係尼兩種就已經有勁多配搭，例如出面少見嘅飛沙走奶同茶走等等。今次因為想飲解渴啲嘅嘢飲，同埋有幾聲咳，就叫咗陳年老桔。陳年老桔金即係醃咗金桔🍊加水沖開，飲苦甘甘甜甜，好有金桔糖嘅味😂。唯可惜嘅係佢地實在加得太多糖，搞到成杯嘢勁甜！如果要叫陳年老桔嚟飲都係建議少糖甚至微糖較佳。士丹里嘅分店只有屯門元朗兩間，有興趣不妨入嚟新界西睇牛牛。

話說小弟走遍香港十八區任何一個地方，都努力搵好食嘅芋圓！唔知點解會上咗癮自從喺青海圍食咗間好難食嘅芋圓之後，第二日就要去返人生最好味嘅芋圓， 當做洗走之前口入面嘅味道。位置喺龍門居，間舖頭叫做 摩登士丹尼，舖頭個招牌都幾有特色架，入面嘅芋圓價錢比其他店舖平十多蚊，但係份量亦都比人多成倍。不得不介紹食咗過十次嘅*芋圓一號*，入面有唔同種類嘅芋圓。蕃薯圓等等，仲要加埋紅豆同埋珍珠，芋圓嘅軟硬度適中，味道亦都唔會太甜。

一間branding做得幾唔錯既飲品店，招牌幾shape醒，飲品選擇款式品算多，琴日12月31日，我同男友倒數前黎左摩登士丹里，勁多人排隊，排隊計埋等都用左20分鐘，我地order左茶走同芋圓鮮奶烏龍。男朋友超鐘意飲茶走，至於我既芋圓鮮奶烏龍我就麻麻地，芋圓完全冇口感，鮮奶烏龍茶味唔夠，唔太岩口味

每逢你屯門朋友屋企，我都會喺度買啲嘢飲或者甜品上去食，今日嚟到，大約下晝差唔多四點，點知嚟到見到未開門好sad等咗半個鐘都仲未開門，見到入邊啲店員喺度準備中，咁我就去佢哋屋企先啦，要等夜晚再出嚟佢嘅Menu好豐富架，我今日就嗌左一個黑糖小芋圓珍珠鮮奶，飲完一杯其實已經好飽好飽，睇吓入邊嘅珍珠同埋芋圓有幾多另外朋友帶咗一個菠蘿冰同埋自選嘅芋圓，我試咗一啖佢嘅紫米露芋圓好正大大碗，真係好足料，如果我樓下都有就好啦

龍門居不嬲都係掃街勝地，今次試呢間摩登士丹里，佢最出名係芋圓系列。我同朋友點咗有得揀芋圓系列（$33），一份三色芋圓再加三個配料，我地揀咗熱仙草、椰果同蘆薈。每個配料份量都好多，而且成碗都好大份！好抵食，好彩唔係一人一碗咋，否則食唔哂。-👉🏻三色芋圓 ： 分別係地瓜圓、芋圓、紫薯圓。味道幾出色又濃味，味道比其他芋圓店自然，一試就會知佢係咩味嘅芋圓。芋圓煲得彈Q又煙韌，唔會過份軟腍或太硬，非常有驚喜，而且幾大粒，份量都好多粒。👉🏻熱仙草 : 好滑，味道正宗，仙草味甘濃！同芋圓好夾。👉🏻蘆薈同椰果 : 由於仙草同芋圓都係濃味，又唔想嗌丸子同珍珠令到成碗都係嚼勁強嘅配料，所以揀咗蘆薈同椰果黎增加整體口感，但又唔會太過搶仙草同芋圓的味。味道不過不失。-我真係好想住係龍門居！因為每間小店都各有風味，味道唔差，住係度，吃貨會好幸福！