影片
更多
2012-07-05
274 浏览
已经唔系第一次食鹿鸣春，但系今次系第一次同老爷奶奶黎呢度庆祝父亲节～ 明知订位困难，预早成个月落booking，点知夜晚都已经full哂！好在老爷想食午食～6个人准时到，一坐低就有位！食饭之前，老爷已经讲明想试鸡炖翅、北京填鸭同埋河虾仁，所以我地叫左个午巿套餐，然后再额外叫个细size鸡炖翅！第一道上的系赛螃蟹，滑溜又香口，但唔会油淋淋，正！跟手黎埋个白切肉粉皮，睇落白雪雪冇咩吸引力，但其实好考师傅刀功，猪肉切到透薄均匀，配埋佢个酱汁，好夹！清炒河虾仁系一道好简单的菜式，但系一食就知用料靓唔靓，而鹿鸣春的确系整得够哂爽口弹牙，令人满意～好快就到鸡炖翅上场。咦，又话细份？原来细份都已经好大份！每人有2大碗，老爷仲一个人食左3碗添！鸡汤清甜味美，仲要啖啖翅，去饮宴都食唔到咁靓的排翅啰！成大梳翅响度，仲要吸哂D汤汁，你话正唔正？食完等左一阵，另一主角北京填鸭终于登场！由于父亲节人多挤逼，我地冇机会近距离欣赏师傅点样片D鸭皮出黎，不过都唔紧要啦，最紧要系好味～唔驶多讲，D片皮鸭好快已经畀人夹左大半，皆因佢D鸭烤完都保留好多肉汁，而且肥瘦适中好易入口，酱料唔会太过死咸，呢样都要加分～食完鸡炖翅同
食饭之前，老爷已经讲明想试鸡炖翅、北京填鸭同埋河虾仁，所以我地叫左个午巿套餐，然后再额外叫个细size鸡炖翅！
第一道上的系赛螃蟹，滑溜又香口，但唔会油淋淋，正！跟手黎埋个白切肉粉皮，睇落白雪雪冇咩吸引力，但其实好考师傅刀功，猪肉切到透薄均匀，配埋佢个酱汁，好夹！
清炒河虾仁系一道好简单的菜式，但系一食就知用料靓唔靓，而鹿鸣春的确系整得够哂爽口弹牙，令人满意～
好快就到鸡炖翅上场。咦，又话细份？原来细份都已经好大份！每人有2大碗，老爷仲一个人食左3碗添！鸡汤清甜味美，仲要啖啖翅，去饮宴都食唔到咁靓的排翅啰！
成大梳翅响度，仲要吸哂D汤汁，你话正唔正？
食完等左一阵，另一主角北京填鸭终于登场！由于父亲节人多挤逼，我地冇机会近距离欣赏师傅点样片D鸭皮出黎，不过都唔紧要啦，最紧要系好味～
唔驶多讲，D片皮鸭好快已经畀人夹左大半，皆因佢D鸭烤完都保留好多肉汁，而且肥瘦适中好易入口，酱料唔会太过死咸，呢样都要加分～
食完鸡炖翅同埋北京填鸭，都有D饱滞，生菜包清清地就最岩～有样野我觉得一定要赞下，有一次得3个人去食饭，人太少叫唔到好多野，侍应就提议我地一鸭两味；今次因为叫套餐之余加左个翅，咁岩套餐里面有汤，侍应又提议将个汤转做小菜，以免饮到一肚水。其实呢D“温馨小提示”好有用同埋带畀人好印象，好过大把食肆D后生仔女郁D就黑面！
而且鹿鸣春D𩠌菜全部都足料好味，唔会得细细份或者悭住D料畀你，物有所值，咁我先至有信心再黎帮衬嘛！
系有一样野唔系咁好，就系当日太多细路在附近枱，仲要系咁尖叫，都几影响我地倾偈！所以环境方面扣少少分。不过我都明白唔系店家可以控制的问题，我都会继续揾机会帮衬的！
张贴
