捌哥‧馬拉籽

营业中

休息中

最近去咗大围依间「捌哥·马拉籽」食晚饭，依间嘅食物出品唔错，难怪我去到餐厅𠮶阵时都已经系21:00左右，但餐厅内仍然有唔少客人，真系人气小店吖！青辣椒蚬（单点$128），表面铺有指天椒、芫荽，大蚬肉质饱满，食落好新鲜，蚬肉虽然挂满青辣椒蓉，但味道微辣，辣度2分。辣死他啦配参巴鱿鱼（单点$76），玻璃鱿鱼口感爽脆，略嫌鲜甜度欠奉，配以参巴酱食用，味道香辣；蓝花饭；马铃薯口感绵密，配以沙嗲汁食用，食落好惹味；配料包括有虾片、红洋葱、豆角、椰丝、椰菜丝。老鼠粉（单点$66），表面铺满肉碎、猪油渣、菜脯、香葱、炸蒜、黑酱油、辣椒油，银针粉容易挂汁，食落好香口，五花腩肉质半肥瘦，食落油脂味浓，鱼片食落有鲜味。猪肚肉骨茶（单点$56），肉骨茶可以无限添饮，采用药材、香料、黑豉油制作，内有杞子，口感浓稠，味道甘甜，略嫌味道偏咸、咸度7.5分，猪肚口感弹牙，食落好入味，配以指天椒、蒜蓉、黑豉油食用，味道更佳。咖央多士（单点$33），咖央酱嘅斑兰椰浆味道清甜，内有牛油，呈半溶状态，多士整体口感外松脆内幼滑，略嫌份量比较少、食落唔系即叫即制𠮶种热辣辣，只系微暖，若再烘大火少少、㶶少少应该会更加好味。净猪油