吉利尼 (已結業)

食过好多星马菜，卖相都好一般，因为食材多，上碟个阵都会觉得系一堆野咁，可能味道系好既，但都会扣分（好啦，我承认系外貌协会会员😬呢间既卖相就差唔多啦，料多但唔会一堆野乱上碟，见到都开胃。简单食个午餐：喇沙 味道几好，足料，好香椰香，微辣，惹味。另一个试新野，米暹，um...个人唔喜欢，太甜，真系甜，如果系酸酸甜甜都好d,但系佢斋甜，不过用料一样好足，只系我个人唔好正餐系甜品。压轴有咖椰多士，烘底好均匀，金黄色，夹住一片牛油，里面搽左椰酱，咬落少少脆，多多酱，多到咇出黎，好正，两人食一份岩岩好，太多就好腻啦再饮杯热薏米水，滑滑地，少少甜，软淋淋薏米👍🏼餐厅细细间，座位都比较埋，不过整体干净。