Burgeroom (美麗華廣場1期) (已結業)

呢间餐厅地点好方便，地方又大又濶落，装修又够特别，最啱同闺密或者一班朋友黎食嘢倾计，仲可以啤一啤。大烤菇芝士牛肉汉堡，大啡菇好厚身，加上流桨芝士同啖啖肉既牛肉汉堡，同埋生菜同蕃茄，真系份量十足。最好既喺个饱都系keep住香脆，食到最后都系脆身，唔会整湿咗变到腍哂。单骨烤鸡翼系我最受既小食，外层烤到松脆，味道带少少辣，好惹味，配蜜糖芥末酱更美味，用黎送啤酒真系一流。鸡翼切开单骨咁整真系好好，方便女士进食，可以保持仪态。有美食点可以唔叫番杯啤酒，Orion 啤酒 : 日本冲绳既进口啤酒，麦味不重饮完留有很少的苦味在口中，易入喉都几好饮，6点前order $45/杯，6点后order $65/杯。朋友就叫Asahi 朝日啤酒，同样都系日本啤酒，泡沫绵密，饮起黎都易入口，麦味香带一点淡淡的苦味，6点前order $39/杯，6点后order $60/ 杯。