影片
更多
2010-11-08
15 浏览
好多时去食饭都系上forum 或者朋友介绍，今次去呢间都系朋友带过我去食面，觉得好好味所以今晚带女朋友去试！仲讲笑话带佢去食五佰五蚊一盅龟苓膏带女友去到果头唔系好认得路，七点几去到，爆晒。不过专程黎到，点都等啦！好在都唔系等好耐。上次黎食面舖里面冇乜人，就咁睇舖内外既装璜，我真系以为系一间凉茶舖！其实里面有d逼，可能我太大份讲返食物，今次本来谂住食面，上试食过既香茜牛展面同牛筋面都好好味，仲好多谢负责人请我同朋友饮好好味既五花茶。不过睇睇餐牌又想试下套餐。今次拣既套餐系60蚊一客既中式套餐，一送一菜一汤白饭任装，岩晒大饭桶。食得落既话仲可以食埋河粉、米粉同面。汤唔错，亦多料。我就拣左浓味既虾酱蒸猪颈肉，女朋友就拣较清淡既鲮鱼肉蒸豆腐。虾酱蒸猪颈肉，虾酱绝唔孤寒，够味之余送饭一流，猪颈肉几弹口。鲮鱼肉蒸豆腐就绝对份量十足，女仔一个人实食唔晒，我梗系要"帮手"食啦，虽然好味，但系可能因为虾酱味浓，所以呢味送就比较淡口，可能有机会就先食豆腐先。最特别系女朋友一食碗饭就大赞好有饭味，又真系㖞！食饱饱，饮杯茶，黎个甜品，人生一乐也。甜品有好多款式，有糕点，有糖水。但系都要试食过既椰汁马豆糕，因为
带女友去到果头唔系好认得路，七点几去到，爆晒。不过专程黎到，点都等啦！好在都唔系等好耐。
上次黎食面舖里面冇乜人，就咁睇舖内外既装璜，我真系以为系一间凉茶舖！
其实里面有d逼，可能我太大份
讲返食物，今次本来谂住食面，上试食过既香茜牛展面同牛筋面都好好味，仲好多谢负责人请我同朋友饮好好味既五花茶。不过睇睇餐牌又想试下套餐。今次拣既套餐系60蚊一客既中式套餐，一送一菜一汤白饭任装，岩晒大饭桶。食得落既话仲可以食埋河粉、米粉同面。
汤唔错，亦多料。
我就拣左浓味既虾酱蒸猪颈肉，女朋友就拣较清淡既鲮鱼肉蒸豆腐。虾酱蒸猪颈肉，虾酱绝唔孤寒，够味之余送饭一流，猪颈肉几弹口。鲮鱼肉蒸豆腐就绝对份量十足，女仔一个人实食唔晒，我梗系要"帮手"食啦，虽然好味，但系可能因为虾酱味浓，所以呢味送就比较淡口，可能有机会就先食豆腐先。最特别系女朋友一食碗饭就大赞好有饭味，又真系㖞！
食饱饱，饮杯茶，黎个甜品，人生一乐也。甜品有好多款式，有糕点，有糖水。但系都要试食过既椰汁马豆糕，因为真系好好味，负责人话佢地既马豆糕系用鲜椰汁去煮(其实唔记得佢讲过既煮法系乜，等大家去更正)，所以糕本身较一般结实，界开都唔会散，我觉得加埋马豆，好有嚼劲。除左马豆糕，仲试左味道好清新既, 菊花马蹄糕，因为佢有较重菊花味，但系略嫌马蹄太少，冇马豆糕咁好咬口同埋菊花味占大部份变左马蹄菊花糕！
本来仲想试好多好多食物，但系实在太饱，唯有下次再去或者揾多d朋友一齐去试埋其他野！
张贴
