影片
更多
2020-05-25
321 浏览
之前同老婆嚟过食早餐，当时对呢间餐厅印象已经唔错，座位同隔离枱之间距离够宽，唔会坐到逼。疫情而家缓和左，想出街食晚饭就第一时间谂到呢间，贪呢到有冷气之余又通风，坐得安心。$188大龙趸两味好吸引，金银蒜鲜竹蒸斑头腩好大碟，底铺满左粉丝同腐竹索哂鲜鱼汁味。另一味系xo酱西兰花炒斑球，龙趸肉起得好干净无骨，食落啖啖肉，啱哂唔识吐鱼骨既老婆食，xo酱味又较到啱啱好，唔会抢左鱼既鲜甜味。见枱枱都叫乳鸽，就叫左只试下。都好肯定系即叫即炸，上枱热辣辣，鸽皮好脆，因为系乳鸽bb，肉质好嫩。椒盐双拼拣左鲜鱿同鸡软骨，炸粉浆薄薄一层包裹炸到好香口，鲜鱿好惊喜，食到出系新鲜货。因为第一次食，唔知道呢间餐厅份量足，仲叫左干炒牛肉炒河，河粉好有镬气但又唔会太油，牛肉唔韧。由于眼阔肚窄，最后加左$4拎外卖盒打包左2盒𩠌拎走听晚继续食，又食又拎甘埋单先4百头CP值好高。
疫情而家缓和左，想出街食晚饭就第一时间谂到呢间，贪呢到有冷气之余又通风，坐得安心。
$188大龙趸两味好吸引，金银蒜鲜竹蒸斑头腩好大碟，底铺满左粉丝同腐竹索哂鲜鱼汁味。
另一味系xo酱西兰花炒斑球，龙趸肉起得好干净无骨，食落啖啖肉，啱哂唔识吐鱼骨既老婆食，xo酱味又较到啱啱好，唔会抢左鱼既鲜甜味。
见枱枱都叫乳鸽，就叫左只试下。都好肯定系即叫即炸，上枱热辣辣，鸽皮好脆，因为系乳鸽bb，肉质好嫩。
椒盐双拼拣左鲜鱿同鸡软骨，炸粉浆薄薄一层包裹炸到好香口，鲜鱿好惊喜，食到出系新鲜货。
因为第一次食，唔知道呢间餐厅份量足，仲叫左干炒牛肉炒河，河粉好有镬气但又唔会太油，牛肉唔韧。由于眼阔肚窄，最后加左$4拎外卖盒打包左2盒𩠌拎走听晚继续食，又食又拎甘埋单先4百头CP值好高。
张贴
