喜滿樓菜館

营业中

休息中

屋企人食饭多数食中菜，我就钟意食啲小店揾吓新惊喜。释放生日，咁就揾间食番餐。如果小炒嚟讲，呢间店啲份量真系好足好足。成日出街食中菜，都未见过碟小炒王可以炒到咁大碟，啲配料有多。 见佢个芝麻鸡系招牌菜，嗌咗半只嚟试吓，皮薄唔多肥膏啲肉质亦都几嫩滑。另外薯仔牛柳粒，啲牛柳粒比较少，但系个薯仔整得相当出色，出色在于佢出边真系脆卜卜里便软腍腍，好似食紧拔丝香蕉咁。虾多士都几阔绰，上边𠮶旧虾膏都几大嚿，下边旧多士唔会渗晒油，处理得几好。反而个牛肉炒饭就有少少失望，比较淡口啲。另外个焗鱼肠如果可以干身少少就比较好，但系好奇怪唔知点解鱼肠里便有叉烧。另外个榄角骨都几惹味，啱晒屋企人饮酒。炒面都几干身镬气都足。不过最后有少少失望系个炸糯米糍，其实本身个糯米糍系几好食，但系配衬炸酱粉就好似格格不入。除咗个甜品之外其实其他都唔差，都可以encore。事次用餐为自费。