麻辣Doi (已結業)

友人同我话食辣对去湿有功效，其实一早就知佢想揾人陪食辣喇。所以就同黎试下元朗麻辣Doi食川菜。大盘水者酸菜鱼🔥🔥🔥作为招牌酸菜鱼，上菜已经一大盘，盘上布满唔少鱼。薄切既鱼肉睇得出师傅既刀功。无骨啖啖肉。而盘底有大量薯粉垫底，又有好入味既豆卜。份量十足。足够二至三人食用。家乡小炒-回锅肉🔥🔥配菜有木耳、杂菜、辣椒等，回锅肉入口是先咸香，食得出有炒香过。成碟菜香味四溢，色泽光亮，十分惹味。凉菜-口水鸡🔥卖相一流，份量有一个例牌，鸡肉嫩滑Q弹，麻油少辣，下次可升级挑战大辣。友人介绍呢间川菜馆唔错，CP值高，有机会下次再黎。