Burgeroom (Fashion Walk)

营业中

休息中

上星期再次到访Burgeroom。其实呢两年都嚟食过三四次，基本上行到Fashion Walk又谂唔到食咩就会食Burgeroom，因为佢啲汉堡好足料！今次同男朋友叫咗两个汉堡，一份升级做午市套餐，仲叫咗一份鸡翼。唔好以为份量好少，我哋食完呢餐，夜晚饱到都唔系好食到饭！次次嚟到我都会食大烤菇芝士牛肉汉堡。只菇好似一只手掌咁大，烤完之后超多汁，夹埋芝士同牛肉一齐就唔会咁肥腻。 一如既往，块汉堡排好厚身，不过一啲都唔干，仲好有肉味。不过个包真系太足料，所以都几难一啖咬到全部食材！男朋友叫咗菠萝烟肉牛肉汉堡。呢个包个亮点系块菠萝！块菠萝微微烧过，所以个甜味几出。甜甜酸酸嘅菠萝同烟肉汉堡好夹，减低咗两种肉配料嘅油腻感。我哋仲食咗蜜味辣鸡翼！蜜糖同鸡翼已经系好夹嘅食材，再加去微辣嘅调味，好滋味。就算食完个汉堡好饱，我哋都食得晒啲香脆鸡翼！饮品方面，我哋叫咗Snapple嘅桃茶。以前读大学成日都会喺饭堂买Snapple，而家都好少成会饮到。嘅个茶系少少甜甜酸酸，好开胃！相对其他汉堡包店，Burgeroom 系少啲花巧嘅菜式，不过亦证明佢真才实料，所以我哋先一再嚟食。