影片
更多
2021-03-27
143 浏览
冇得去旅行就好挂住台湾嘅美食🥺💛 今次试嘅台湾过江龙-鲜芋仙，系全球多个国家同地区都开咗分店🙈自从香港有分店之后 次次都大排长龙 可以见到佢嘅人系有几劲😆！今次我地同朋友都等咗半个钟先有得入去食🥺❶ 布甸Q麻糬牛奶冰 $52一到手发现超大碗🙊，起码要三个人先食得晒！配料有细粒芋圆、Q麻糬、冬瓜冻，两款布甸，牛奶刨冰同云呢拿味雪糕🤩！• Q麻糬有原味同埋黑糖味，非常烟韧，同埋一啲都痴牙！特别想赞下黑糖味好浓郁，但同时又唔会好甜！• 细芋头圆有普通芋圆同地瓜圆，个人几钟意咁细粒，口感好得意🤣！• 冬瓜冻相对有啲失色，唔知系咪其他食物味道太浓，所以我有少少唔知自己食紧啲咩😂事后先知原来系冬瓜味🙊不过口感介乎蒟蒻同埋啫喱中间😂！• 布甸有鸡蛋布甸同埋杏仁布甸，鸡蛋布甸蛋味浓郁，口感嫩滑，甜到啱啱好✨ 杏仁布甸同样杏仁味都好出，可惜个人对杏仁味冇咩好感，不过相信如果钟意杏仁味嘅朋友应该会觉得几好食！• 牛奶刨冰系个人推介✨每一啖都食到淡淡的牛奶味，再配上顶层嘅黑糖浆，甜而不腻😆用相比较粗粒嘅刨冰，所以食嘅时候会咬到一粒粒😂再加上上面嘅云呢拿雪糕轻微溶化后，令到刨冰嘅味道再多咗变化😋个人推荐嗌牛奶
冇得去旅行就好挂住台湾嘅美食🥺💛
今次试嘅台湾过江龙-鲜芋仙，系全球多个国家同地区都开咗分店🙈自从香港有分店之后 次次都大排长龙 可以见到佢嘅人系有几劲😆！今次我地同朋友都等咗半个钟先有得入去食🥺
❶ 布甸Q麻糬牛奶冰 $52
一到手发现超大碗🙊，起码要三个人先食得晒！配料有细粒芋圆、Q麻糬、冬瓜冻，两款布甸，牛奶刨冰同云呢拿味雪糕🤩！
• Q麻糬有原味同埋黑糖味，非常烟韧，同埋一啲都痴牙！
特别想赞下黑糖味好浓郁，但同时又唔会好甜！
• 细芋头圆有普通芋圆同地瓜圆，个人几钟意咁细粒，口感好得意🤣！
• 冬瓜冻相对有啲失色，唔知系咪其他食物味道太浓，所以我有少少唔知自己食紧啲咩😂事后先知原来系冬瓜味🙊不过口感介乎蒟蒻同埋啫喱中间😂！
• 布甸有鸡蛋布甸同埋杏仁布甸，鸡蛋布甸蛋味浓郁，口感嫩滑，甜到啱啱好✨ 杏仁布甸同样杏仁味都好出，可惜个人对杏仁味冇咩好感，不过相信如果钟意杏仁味嘅朋友应该会觉得几好食！
• 牛奶刨冰系个人推介✨每一啖都食到淡淡的牛奶味，再配上顶层嘅黑糖浆，甜而不腻😆用相比较粗粒嘅刨冰，所以食嘅时候会咬到一粒粒😂再加上上面嘅云呢拿雪糕轻微溶化后，令到刨冰嘅味道再多咗变化😋
个人推荐嗌牛奶冰🌟份量非常足 而且配料都几出色！
❷ 芋圆4号 $45
芋圆|红豆|珍珠 (食个时珍珠卖晒 所以转咗白玉)
睇落大大碗，食落发现材料好足🥰上层铺满咗满满芋圆，红豆同埋白玉。芋圆有普通芋圆同地瓜圆，普通芋圆食落会咬到少少芋头粒🌟，地瓜圆就味道香浓，两款都烟韧有咬口🥰！
中间就系芋头泥，口感棉密松软，芋香味超突出🤤！最底就系黑糖刨冰，甜度啱啱好！绝对唔系死甜，而且够冻✨成个配搭好夹，而且有好多唔同配料，包你唔会闷🥰
❸芋圆紫米粥 $42
紫米｜红豆｜芋圆
芋圆都系𠮶两款🤣紫米粥够晒大碗，不过相比之下略嫌比较普通🥺佢因为系叫紫米粥，所以佢成个感觉系比较水同埋好稀🤢得好少紫米同埋西米🥴不过佢就胜在唔甜🤣
因为佢会有啲奶精可以俾你落落去🥛不过落完嘅感觉都冇咩分别🤔因为唔会有奶味同埋佢令唔到成碗野杰身返少少🤔
➍ 招牌仙草沙冰 $45
芋圆｜仙草冻｜仙草沙冰
芋圆一样都系𠮶几款🤣仙草就好滑好浓仙草味😚入口即溶咁，好润喉✨佢系仙草沙冰底🍧磨得够细唔会好割口👍🏻就成碗野清清地，仲可以落啲奶精吊一吊起个味🥛如果唔系就几dry🤔
————————————————————
总括嚟讲✨佢每一碗都大大份👍🏻呢个价钱嚟讲CP值都好高🌟
直程可以当正餐食🍽佢嘅芋圆的确几出色🔥
唔似出面咁好粉，真材实料同埋有咬落有嚼劲😋唔会煮到好硬🥰岩岩好💛💛
————————————————————
张贴
