泰妹餐廳 (已結業)

酸辣去骨凤爪沙律成为前菜份量都几大，凤爪去左骨食起上黎就够方便，个汁酸酸辣辣好开胃。泰式生虾刺身生虾都几大只，食落新鲜又爽口弹牙，夹埋蒜片同辣椒食更香。冬荫鸡翼本来以为系冬荫功味既炸鸡翼，点知原来系炸完有汁煮既，食落好似浓缩版既冬荫功味，都几重口味，不过d菇索晒汁几好食。炸虾饼每次食泰国野都必点！因为钟意食香口野同虾，虾饼炸到金黄色松脆可口，虾胶亦都够爽弹。厚只椰青海鲜炒饭呢个又系好足料，海鲜有青口、鱿鱼同鲜虾，上面淋左一层椰浆，味道比较甜，可能食惯咸既炒饭觉得咸既话好食d。