貴緣小鍋米線 (崇潔街) (已結業)

身为米线关注组成员之一，鲨仔今次决定试呢排其中一间人气米线店——贵缘小锅米线，网上评论特别推介螺旋藻同鸡丝火山，今次就试咗螺旋藻~🍜 小酸辣小锅米线配螺旋藻、贡丸同肥牛 $58叫咗小辣，味道先辣后酸，个人唔算好食得辣，小辣已经啱啱好，汤底越食越好食，酸同辣配搭得啱啱好，螺旋藻爽身挂汁，贡丸弹牙爽口，米线份量都大碗，整体味道唔错。🍜 小酸辣小锅米线配肥牛、萝卜同甜酸斋 $58甜酸斋唔系间间米线铺都有，甜酸斋食落口感好软熟，而且味道酸酸甜甜好开胃，萝卜入味而且煮得好稔，鲨仔强烈推介食甜酸斋同萝卜。🥚 皮蛋豆腐 $24豆腐口感几滑，加上蒜香麻辣汁好惹味，皮蛋爽口，配上滑溜嘅豆腐，皮蛋切粒方便食，但如果皮蛋份量再多少少会更满足。