御和亭日本料理

营业中

休息中

今日要出大埔做嘢，上网揾左依间餐厅，午餐觉得好抵食，而且鱼生新鲜，好味🤤好彩有订定位，去到间餐厅都几受欢迎，非常满座， 大家想试记得要预先打电话订位阿，可以拣12点或者 1点，用餐时间为一小时。所有御膳有前菜、沙律、 蒸蛋、 汤和御饭。 最好系午市系免收加一阿！ 价钱概当抵食， 难怪坐无虚席，可见非常之受欢迎。御和亭鱼生丼御膳 $88鱼生饭配料充足，有三文鱼、油金鱼、玉子 蟹籽、青瓜和粒粒厚切鱼生。鱼生加上爽脆嘅青瓜，蟹籽，口感清爽，新鲜足料。赤海老亦大只， 食完好满足。餐厅鱼生饭底有加芝麻，令香气倍增，食用时能感受到粒粒芝麻，层次更丰富，大食嘅朋友仔更可以要求加饭。