Mecca Restaurant

营业中

休息中

区内多数系茶餐厅或中式餐厅，可能因为咁，所以呢间另类嘅小店有好多少数民族嘅顾客帮衬。餐厅主打外卖快餐，卖burger、热狗等等。见佢其貌不扬，但menu上个个burger都Double layers，所以决定一试！Order左牛肉burger, 鱼柳burger, 炸鸡burger。全部double layers，三个burger跟餐都系薯条同沙律。薯条热辣辣，新鲜炸起，而且系粗薯条，仲要多到满泻。沙律就系普通沙律菜，冇乜特别，值得一赞就系沙律酱另上。份量好多，一定够饱！不过餐就唔包饮品。三个burger以鱼柳最出色。鱼柳够厚够大块，唔会炸得过干。牛肉burger嘅牛肉够juicy，不过味道系中东风味，香料味较重，未必人人中意。炸鸡burger同鱼柳burger好似，可惜鸡扒太薄，虽然炸得够干身，够脆口，但系比较干，唔太推介。以咁嘅质素，咁嘅份量，再配咁嘅价钱，真系超抵！