喜聚坊

营业中

休息中

男朋友生日既月份食得太多西餐同party food, 呢日行经大角咀，见到呢间中菜就觉得好耐冇食，没多想就入左去，点知有惊喜。黯然销魂饭叉烧用上左肥瘦均匀既厚切靓梅肉配上特制头抽，加埋新鲜蛋黄汁同埋香味十足既葱油。呢个饭完全系平凡中的不平凡，成个饭香气四溢，叉烧肉汁遍布整个口腔。人参当归炖竹丝汤饭呢个汤真系十分足料, 非常补身之余仲一啲味精都冇；而同时间啲竹丝鸡都好入味，充满住个汤嘅甜味。值得一提既系，呢间餐厅由侍应到大厨，服务态度都好好，好认真同好客；临食完既时候都埋黎问我地觉得啲野岩唔岩食，估唔到食中菜都会咁，睇得出系用心制作，值得推介！