村爺爺龍蝦湯.泡飯.燉湯專家

营业中

休息中

晚饭时间，行过呢间餐厅见到咁多人排队，原来系食龙虾汤泡饭专门店，咁应该系好好食吧，所以我同老公又排吓先。排左一阵间就有位，都唔系话等好耐。见到餐牌都好多嘢拣，最后我哋叫左一个小食，两个泡饭同两杯嘢饮。墨鱼手指拼鱼腐：刚炸起，热辣辣。墨鱼手指几弹牙，鱼腐外皮脆，点埋跟拼盘酱汁上嘅甜辣汁仲好食。鲍鱼花胶螺头鸡煲翅：有半只鸡，除左鲍鱼花胶螺头同翅外，仲有虫草杞子等配料，另外跟左碟菜，清清地，所有材料都入晒味，鸡味浓，捞白饭真系好食。真 · 盛龙虾汤泡饭：龙虾最养眼，里面系劲多海鲜架，有带子，青口，大蚬，元贝仔同鱿鱼等等，系每啖入口都有。汤够甜够鲜味，好丰富，连汤都饮晒，呢个真系值得推介。热情果梳打 & 菠萝梳打：劲大杯，够甜够冰冻，天气咁热饮佢，即刻开心晒。