小魚兒 (金馬大廈)

营业中

休息中

几年前喺将军澳店食过烤鱼，觉得好正，一直想返嚟试个鸡煲。咁啱天气急冻，即刻book枱。店面几大、干净，店员attentive。 ✦ 极品鲍鱼鸡煲嗌咗半份，都已经好大盘，包半只鸡同四只鲍鱼。鸡煲酱汁浓郁、好惹味，辣度麻度都可以拣，我哋拣咗bb辣小麻，都辣辣哋、麻得几过瘾。鲍鱼索晒啲汁，但都食得出鲜味，口感唔错。鸡肉嫩滑、有鸡味，唔同部位都有，煲得越耐越入味。 ✦ 麻辣凉拌鱼皮冷盘。质地嫩滑、口感爽弹。酱汁唔会太浓太抢，几啱当饭前开胃菜。 ✦ 冰火鱿鱼都系冷盘。香辣、惹味、开胃。鱿鱼口感爽嫩，冇浸泡太耐。 总括嚟讲，食物质素唔错、价钱合理。