胡爐 (已結業)

今日同朋友揾到间高质素嘅火锅店，喺尖沙咀地点非常方便！餐厅设计装修古色古香，食物质素款式好多，而且食材好新鲜，汤底好足料！♡胡椒猪肚花胶鸡锅好足料！锅底有好多猪肚同咸酸菜，花胶同鸡系另上再加入锅，鸡份量大约半只，鸡肉鲜嫰滑溜，花胶大大块、都有五六块。汤底好浓郁嘅胡椒香味，加入鸡件花胶后，汤底更加鲜味浓厚，饮左2大碗汤、好好饮！♡手切顶级安格斯肥牛安格斯肥牛油脂分布均匀、雪花纹丰富，牛味浓郁，油香爆灯！口感松软、入口即溶嘅感觉。♡醉葫炉五宝丸五宝丸有蟹籽虾丸、手打墨鱼丸、梅菜猪肉丸、黑松露墨鱼丸同牛丸，全部都好好味。我最钟意食虾丸，好鲜甜。其次梅菜猪肉丸，好特别！手打丸食落爽口弹牙。♡醉葫炉五宝饺五宝饺有鲜虾云吞、黑松露香菇饺、韭菜饺、芫荽猪肉饺同鱼皮。皮薄馅靓，大大粒饺子！♡蔬菜拼盘蔬菜拼盘份量都几多下，各式各样蔬菜都有，蔬菜好新鲜。吸收晒浓郁汤底，好入味。