御藏 (已結業)

中途出了湾仔做野... 同事话仲有手尾要跟，叫我帮手买个外卖饭盒，一齐做埋佢... 唉...又是OT夜... 不过老细话有晚饭基金津贴...咁...梗系食好啲啦!! 见到有间外卖寿司新开，就试下佢! 为咗表示我哋团队有几咁团结， 我买咗同一款嘅外卖饭盒， 就系最贵嘅海胆炒饭！其实系佢地懒得谂食咩，抄我...食物:个饭除咗面头有凉凉的海胆，仲有啲海胆系连埋饭一齐炒，真系唔少海胆㖞！海胆好新鲜好甜，一啲苦味都冇。而且个饭炒得色水均匀又干身，粒粒饭都有色，配菜仲有几款: 西兰花+椰花+脆肉瓜+红萝白，啱晒我呢个菜菜子! 应该就系呢啲配菜，令到成个饭都唔会好漏，份量大大份。我哋三个同事食得非常开心，男同事都话好饱呀! 加四蚊仲可以有一支椰青水饮，啱晒懒系健康既我。下次有机会可以试下其他鱼生饭盒。环境:外卖店黎讲，都简寛敞，仲有企位枱，几啱赶食饭既人。服务: 以炒饭黎计，都算几快手，等一阵就有。