德美壽司

营业中

休息中

尖沙咀H8入面既德美寿司晚市长期爆满，我今晚平日过黎都等左一阵先可以入左右。点解咁爆？梗系因为性价比高啦！<海胆鱼生饭> ($165)呢度叫丼饭系跟埋面豉汤同沙律，啱晒一人晚餐。唔好以为跟餐既就好流，个面豉汤系有蚬肉架！味道唔会好咸，非常啱我口味。沙律系青瓜丝，沙律酱唔算过量，够开胃。主角非常足料。鱼生有三文鱼、油甘鱼、带子、三文鱼籽、蟹籽、海胆，另外有蟹柳同一只熟竹签虾。饭量适中，女仔应该食完就饱架。但系我作为大胃王，都系决定加单叫多样小食。<洋风鳗鱼班戟> ($61)呢个睇餐牌相几吸引，黎到竟然真人靓个上镜！第一次见用班戟卷鳗鱼，仲有芒果同牛油果，好特别！味道超丰富，有来自芒果既鲜甜，又有牛油果既creamy，当然唔少得来自鳗鱼酱既甜味同软糯口感！食埋呢个就食饱饱，交番张枱比出面等紧位既人喇。呢度晚市限时90分钟，因为真系太好生意喇。