醉胡爐

营业中

休息中

醉胡炉之前食过觉得唔错，最近搬咗去新地址，再食都觉得仲keep到水准！地点方便，系厚福街算易揾！店员服务态度唔错，有介绍餐牌！推荐食佢哋嘅海鲜锅，用料新鲜，入面好多料，有龙虾、鲍鱼、青口、花螺、蚬等等，真系超丰富！影完相之后店员会加汤煮滚，个汤煮到劲鲜味，吸尽各款海鲜嘅精华，鲜甜又好味，忍唔住要饮多碗，加上食埋啲海鲜好正！另外饺子都出色，馅料整得入味，似系自家制唔系交货嚟，食落有口感！紫菜炸响铃都值得试！大大碌即叫即炸，口感脆卜卜，浸落汤几秒就食得！