影片
更多
2020-09-18
176 浏览
今日嚟到深水埗呢间酒楼打边炉，呢度火锅系任食任点，定食形式。饮品有清热嘅竹蔗水，亦都有汽水同啤酒，可以任饮🍻一坐入嚟有花生同茶，火锅酱料可以自己出去拎一开始落咗汤底先，我哋拣咗椰子鸡煲，有包半只鸡。汤底好有椰子味，唔会好似以往食过一啲椰子鸡火锅咁冇乜味等汤底滚嘅同时就有第一样定食 — 脆皮乳鸽😋两个人食总共有一只，整得好香，加盐/豉油一流👍🏻第二样定食就系海鲜盘，好足料有鲍鱼、扇贝、虾、蚝同龙趸鱼片。仲有就系本身菜单话有蟹，但冇晒转咗濑尿虾。特别一赞食材全部都大大只有肉，亦都好新鲜好鲜甜😻鱼片亦都冇乜骨第三样安格斯牛肉好有牛味，切片厚度适中👍🏻另外就系其他配料任嗌，特别推荐手打丸，同机打真系有分别😆选择都多，朋友特别钟意食肉，再落肥牛质素都唔错。钟意海鲜同打边炉嘅朋友值得嚟试吓😋
一坐入嚟有花生同茶，火锅酱料可以自己出去拎
一开始落咗汤底先，我哋拣咗椰子鸡煲，有包半只鸡。汤底好有椰子味，唔会好似以往食过一啲椰子鸡火锅咁冇乜味
等汤底滚嘅同时就有第一样定食 — 脆皮乳鸽😋两个人食总共有一只，整得好香，加盐/豉油一流👍🏻
第二样定食就系海鲜盘，好足料有鲍鱼、扇贝、虾、蚝同龙趸鱼片。仲有就系本身菜单话有蟹，但冇晒转咗濑尿虾。特别一赞食材全部都大大只有肉，亦都好新鲜好鲜甜😻鱼片亦都冇乜骨
第三样安格斯牛肉好有牛味，切片厚度适中👍🏻
另外就系其他配料任嗌，特别推荐手打丸，同机打真系有分别😆选择都多，朋友特别钟意食肉，再落肥牛质素都唔错。钟意海鲜同打边炉嘅朋友值得嚟试吓😋
张贴
