影片
更多
2024-01-21
13 浏览
香港人一向钟意打边炉，尤其呢两日天气冻咗少少，又系出动扎打边炉嘅时候！平时食开放题任食火锅，食得太急而且环境比较嘈杂，有时都钟意支持下私人火锅小店～呢间火锅店喺太子大马路𠮶头，大厅全部都系卡位，一大班人嚟仲可以book房！餐厅嘅食材用料够新鲜，汤底选择多而且好足料，仲有自家鱼缸，确保海鲜类即点即㓥，人均价钱同连锁都差唔多，推荐！------------------------------🐖◖招牌猪骨煲◗ $168呢个猪骨煲系佢哋招牌推荐，用咗猪筒骨同猪脊骨熬煮出嚟，都有成六大嚿骨，加入大量白胡椒，饮落辣辣地，汤底清清地，冬天饮够晒暖胃！佢嘅猪筒骨有唔少骨髓，仲黐咗啲筋膜位置，钟意咬骨嘅朋友仔应该超钟意！🐂◖手切本地肥牛◗ $268叫咗一份细嘅，都唔少嘢，而且佢望落似现切牛，雪花分布得好靓，牛味香浓又唔会觉得油腻！牛肉切得都几厚，就咁食牛味超浓，而且口感一啲都唔韧，系好满足嘅肉感，必点！🧆◖鲜四宝丸◗ $88有墨丸、虾丸、牛丸同猪肉丸各两粒，乜都都可以试吓，全部水准都唔错！入面最钟意虾丸同牛丸，口感够弹牙，虾丸仲加入咗啲蟹籽，食落去卜卜脆；牛丸好爽弹，牛味浓郁！🐖◖猪润◗ $68猪润拎落
------------------------------
🐖◖招牌猪骨煲◗ $168
呢个猪骨煲系佢哋招牌推荐，用咗猪筒骨同猪脊骨熬煮出嚟，都有成六大嚿骨，加入大量白胡椒，饮落辣辣地，汤底清清地，冬天饮够晒暖胃！佢嘅猪筒骨有唔少骨髓，仲黐咗啲筋膜位置，钟意咬骨嘅朋友仔应该超钟意！
🐂◖手切本地肥牛◗ $268
叫咗一份细嘅，都唔少嘢，而且佢望落似现切牛，雪花分布得好靓，牛味香浓又唔会觉得油腻！牛肉切得都几厚，就咁食牛味超浓，而且口感一啲都唔韧，系好满足嘅肉感，必点！
🧆◖鲜四宝丸◗ $88
有墨丸、虾丸、牛丸同猪肉丸各两粒，乜都都可以试吓，全部水准都唔错！入面最钟意虾丸同牛丸，口感够弹牙，虾丸仲加入咗啲蟹籽，食落去卜卜脆；牛丸好爽弹，牛味浓郁！
🐖◖猪润◗ $68
猪润拎落去打边炉够爽脆，但觉得呢间嘅猪润口感有啲怪🫢，可以唔使试～
🐟◖脆鲩片◗ $68
有八大片鱼片，一放落个汤度就开始收缩，啲肉一边白就可以捞起！食落够脆够鲜，好食，但夹杂咗少少细骨，食嘅时候都要小心啲～
🥬◖油麦菜◗ $38
食到尾声，落埋个油麦菜，呢个汤底煮出嚟嘅菜超甜，好食！
🥤◖Zero◗ $18
🌟Encore指数：9/10
张贴
