影片
更多
2021-03-06
192 浏览
嚟紧将会放九日大假，难得今个星期六，一于同个朋友一齐开开心心食个汉堡包庆祝吓，佢提议话想去长沙湾食汉堡包，其实之前都试过一次，感觉都良好嘅，今次第二次帮衬先至嚟写食评，咁就希望今次佢嘅水准依然不变啦。可能由于系星期六嘅关系，所以人系比较多，门外稍等咗一阵先入到去，见到其实店舖防疫措施都足够，起码枱面上系有1.5米距离，如果加块隔板会比较好啲，因为始终唔知点解我个人觉得有块板会感觉良好啲。首先舖头系半自助嘅形式，要自己出去点餐，之后有人送个汉堡包过嚟，我接受呢个安排嘅，不过饮管𠮶啲就要自己去拎，咁佢就有即弃饮管同埋不锈钢饮管俾你去选择，悉随尊便，拣你想拣嘅嘢。呢一样系好多餐厅都冇办法做到嘅事情，但系希望佢可以洗干净佢啲饮管啦。都等咗段时间，两个汉堡包终于都到啦，我哋就食咗个邻居汉堡，另外一个就系双层芝士牛肉汉堡。邻居汉堡上面其实有好多配料，有菠萝，生菜，牛肉，蕃茄，洋葱同埋少少菌类等等，同埋其实个包里面都系好多汁嘅，都算系比起一般汉堡包来讲做得系比较出色嘅，所以其实呢个包我可以话系好味过平时我哋喺市面上见到嘅汉堡包，但系又未至于令到我好惊喜。而双层芝士牛肉汉堡就感觉上肉类会比较多，相应来
可能由于系星期六嘅关系，所以人系比较多，门外稍等咗一阵先入到去，见到其实店舖防疫措施都足够，起码枱面上系有1.5米距离，如果加块隔板会比较好啲，因为始终唔知点解我个人觉得有块板会感觉良好啲。
首先舖头系半自助嘅形式，要自己出去点餐，之后有人送个汉堡包过嚟，我接受呢个安排嘅，不过饮管𠮶啲就要自己去拎，咁佢就有即弃饮管同埋不锈钢饮管俾你去选择，悉随尊便，拣你想拣嘅嘢。呢一样系好多餐厅都冇办法做到嘅事情，但系希望佢可以洗干净佢啲饮管啦。
都等咗段时间，两个汉堡包终于都到啦，我哋就食咗个邻居汉堡，另外一个就系双层芝士牛肉汉堡。
邻居汉堡上面其实有好多配料，有菠萝，生菜，牛肉，蕃茄，洋葱同埋少少菌类等等，同埋其实个包里面都系好多汁嘅，都算系比起一般汉堡包来讲做得系比较出色嘅，所以其实呢个包我可以话系好味过平时我哋喺市面上见到嘅汉堡包，但系又未至于令到我好惊喜。而双层芝士牛肉汉堡就感觉上肉类会比较多，相应来讲个汁都唔会话好似邻居汉堡咁多汁，所以如果两个选择嘅话我谂我都系会选择返邻居汉堡。但系以我所知佢有大啡菇选择嘅，个菇入边本身都多汁，所以如果系话好担心食汉堡包好干嘅人，我谂我会建议返你哋去选择依两种汉堡。
不过令我最惊喜嘅系佢个薯条，佢薯条系有两种嘅，一种系番薯，一种系普通薯仔，另外薯仔系连皮嘅，所以就系新鲜嘅薯仔炸出嚟啦，但系唯一就系我觉得佢嘅份量有啲少，所以食完之后都好似感觉唔系好够喉咁，都可能出去要食其他嘅小食先至可以弥补到我哋星期六嘅胃，哈哈。
张贴
